Job Tɔn 5:20 - mzwDBL

²⁰ Lɔr saŋ wɛɛ lɛɛ le seo nyoa dɛ́ lɛɛ le laa ta.

Job Tɔn 5:20 ပူးပေါင်းရင်းမြစ်များ

Yela 33:19

O lɛɛ ba dɛɛ le seo nyoa, dɛ́ ɡel ba so le, hale lɔr saŋ.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Sɛɡla 10:3

Korowii aa ɡel lɔr kpo nɛn o wa aa toɡra. O lɔ nɛnchɔɡe konnyini dɛɛ ta.

Yela 37:19

Baa wahalaa na sibeɡra saŋ, lɔr saŋ kwaraa yaa, dɛ ba te dɔ kondikwa.

1 Koranar 17:6

Gaahɡaahre kpɔ paanoo ne ola kaa tɛo chɔɔ ne jwaana. Dɛ o dɔ nee ɡe dɛɛ nyɔ fɛlembɔjen la bini.

Mumpar 45:7

Korowiirii cheɡa ɡɛ, dɛ lee mɛ ŋɔ n tɔ he sie, dɛ́ ba lɛ heyaa ɡɛ nyokpoa ŋwɛnɛ nɔ ta, ásɛ he ne he naanar dɔ mkpa.

Habakuk 3:17

Hale dɛ fiɡ daa ta feɛ, ɡrepo daa ɡe ta nɔnɛ, ɔleve daa ɡe vɛh nɔna, kondikwaa ta ɛɛ, peera toole leɡ bini, asɛ nae ɡe toole a leɡ ta naa,

Yela 144:10

Henee ɡela Israel koranar yo dɛɛ pɔ ba dɔma nɛ, dɛ lɛ he bonɔɔ Kooro Devid le seo nyoa.

Yela 27:3

Dɛ laa tena bar mɛ cheme aa, n bambile aa teŋe. Hale n dɔma ba dɛ yoo mɛ kwaraa naa, hen Korowii nɛɛ n hwɛɡa ta do.

Matiu 24:6

Hɛ́ɛ no laa ɡbɔɡaa he jwɛh, ásɛ dɛɛ no ane ɡe ɡbɔɡa bojaŋa. Kɛ dɛ he ba dɛ na ɡɛ naa, he bɛ ɔmɛ. A chɛ kɛ ɡɛ waa nɔ bwa chiɡ, kɛ dɛ a laa dɛɛ chaɡle kɛ waa bwa jaɡa saŋ la telo.

Aesaya 33:16

Banee dɛɛ ba deŋnesɔɔhna ne soɡa, kɛŋɔ baa soɡe dekpeɡ bini. Baa dɔ kondikwaa dɛɛ di, nee ɡe aa ban paŋɛ bwa.

Yela 49:7

Nomɛlbwa aa won lɛ o dɔŋ mkpa, kɛɛ dɛ́ kpɔ komɛl charɛ o nyu Korowii be.

Jeremia 37:21

Anomanta, Kooro Sedekia ɡelɔ ba do mɛ dea o dembaah bela. N lɔ bela, asɛ tɔpere bɛlbwa nɛra baa dɛ wɔɔ paanoo ɛɛ tɛ mɛ paanoo beŋkpoŋ, ka tel kɛŋɔ paanoo aa baa tonɛ bwɛjen la bwa ta.

Yela 118:18

Korowii tɛr n deŋne kohona, kɛ o ta ɡelɛ n sewɛ.

Jeremia 39:18

Mɛɛ kpɔ nɔnee tɔ he nɛ, baa wola won kpoe. Hɛɛ chwao dɛ lɛ he nyu, dɛkalkɛ he kpɔ he te dawɛ n nɛ. Men Korowiirii bola.’ ”