Job Tɔn 5:2 - mzwDBL

² Bandia dɛ kpo ɡɛne, sibeɡra ɡe ɛɛ kpo nɛn waa wola wobɛlbwa jemɛ.

Job Tɔn 5:2 ပူးပေါင်းရင်းမြစ်များ

Mumpar 30:1

Rakɛl aa naa kɛŋɔ o ta bie lolɛ tɛ Jekɔb la, o mee Lea dɛ ŋɔ Jekɔb be ŋɔ, “Gel n lolɛ bii, dɛ ɡɛ laa aa, amɔ te mɛɛ sewɔɔ.”

Mumpar 38:9

Dɛ Onan jemɔ kɛŋɔ a ɡɛ bii la aa won ɛ o kwa, anomanta, o ne haah la chɔɔ waa, o bane aa dɛ ba la, ɡɛɛ o ɡel a ba ta harɛ, ásɛ o bɛ won kpoŋe tea, dɛ́ lolɛ bii ba ɛ o dɔɔ kwa.

Job Tɔn 18:4

He kpɔ bandia dɛɛ chɔɡ he wa. He bandia nomanta, Korowii chɔɡ harɛ kɛɛ dɛ huɡri bwejena le a chebɔra aa?

Yela 107:17

Deŋnekpeɡ we-ɛɛla ɡelɔ ba bini bane ɡɛn, ba wechɔɡa ɡel ba bwara ɛɛ nyɛɡ,

Yela 14:1

Gɛnaa yon dɛɛ lii ba nyu bini kɛŋɔ Korowii toole, ba waa ta kasinteŋ dɔe, ba ɛ wechɔɡ-ɛɛra, bɛlbwa toole dɛɛ ɛ wedɛɛɡa.

Yela 75:4

N dɛ ŋɔ mbarafo tena be ŋɔ, ‘Hé ɡel mbarafo ɛɛ’, dɛ ŋɔ nyubinikpeɡ tena ɡe be ŋɔ, ‘Hé ɡel mbarafo wobol bola.

Yela 92:6

Nɛn waa wola liire dɔe la aa won jemɛ, nɛn waa ɡɛna ɡe aa won no a mun.

Sɛɡla 12:16

Gɛne bandiaa baa na warane, kɛ nɛn waa dɔ nfɛrɛ laa liire dɛɛ kpɔ chɛɡa ta.

Sɛɡla 19:16

Nɛn waa dɛ teŋɛ Korowii Mmara ta la, o dɛ dɔ o nyu, nɛn waa wola a ta teŋɛ la, ó dɛ sewɛ.

Sɛɡla 19:19

Nɛn o baah aa dɛ di kohona dɔ wa aa, bɛ on lɛ, ɡel a noo, ɡɛ laa aa hɛɛ teŋɔɔ dɛɛ lɛo.

Sɛɡla 27:3

Bwe ne hɛŋle bwa tɔɡre te, kɛ waa ɡɛne aa dɛ ba a ne la ɡwaa a bwa.

Sɛɡla 8:5

He sie ta pilaa, hé hweli sipila wa. He ɡɛnaa, hé hweli wejemwa.

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Jona 4:9

Anee Korowii ŋɔ Jona be ŋɔ, “He dɔ ŋwɛnɛ kɛŋɔ he baah di juɡ nɔ wa aa?” Ate, Jona ŋɔ, “Ɔɔh. N baah diu kohona kɛŋɔ n sewɛ kwara.”

Tɔn Pɔɔl Aa Chwerɛ Rom Tena 2:8

Nɛra baa dɛ ɛ ba tetoowa, baa wola Korowii waa aa ɛ kasinteŋ ta teŋɛ, dɛɛ ɛ wechɔɡa la, Korowii bwaawee ɛɛ ir ba nɛɛ taeh.

2 Timoti 3:6

Gɛ nɛra nɔ bini banee yon kpɔ ŋwɛnɛre ane ta dɛ́ sɔh jo deremi ta, ásɛ dɛɛ dɔ haahna ba wechɔɡa aa ɡwaa ba nɛɛ ba sie ɛɛ yal ba ba pɛlchɔɡa ta la, ba yon dɛɛ teŋɛ ba nɛ.