Job Tɔn 42:9 - mzwDBL

⁹ Asɛ Elifas ne Bildad, dɛ Sofar ɛ ɡɛ Korowii aa ŋɔ ba be la, asɛ Korowii no Job wesoŋa la.

Job Tɔn 42:9 ပူးပေါင်းရင်းမြစ်များ

Mumpar 20:17

Asɛ Abraham soŋe Korowii tɛ Abemɛlɛk ne o haah dɛ o yomhaahna la bwa kɛ ó pili ba lol, asɛ o pili ba lol ba won loɡle,

Job Tɔn 2:11

Dɛ Job dɔ daamanar batoro bane. Bɛlee Teman te Elifas, ne Bildad waa le Su harɛ ta, dɛ Sofar o ɡe aa le Naama harɛ ta. Ba no wahala waa dɛ na la, dɛ ka cheme, dɛ bwa sɛh kɛŋɔ baa lao, dɛ́ ka bwɛɛlo.

Job Tɔn 22:27

Hɛɛ wiu noo ásɛ o no he be, hɛɛ baɡɔɔ nyoa dɛ́ won teŋɛ a ta.

Job Tɔn 22:30

Nɛn wobɛlbwa aa wola toole o nɛɛ kwaraa la, Korowii ɛɛ lɛo, wɛɛ che he tepoŋ haa dɔa la taa dɛ lɛo.”

Job Tɔn 42:10

Ate, Job aa soŋa tɛ o daamanar batoro la tonɛ la, Korowii ɡelɔ o ɛ kondɔɔh ja. O dɔ anɔ la o fa aa dɔa la bele anɛ ja.

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Matiu 7:24

Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.

Amanesoma Jɔn Aa Chwera Tɔn 2:5

O nya berɔ ŋɔ bonɔɔna baa dɛ do sene la be ŋɔ, “Dɛ o baa ŋɔ hé ɛ wobɛlbwa naa, hé ɛ.”

We-ɛɛla 10:33

A waa n tomɛ nɛra he be warane la. He ɡe ɛ waa kɛŋɔ haa bala nɔ. A waa ya bwa cheme Korowii sie bonɔ la. Ya dɛ nyin waa Korowii aa ŋɔa hé ba bol ya be la dɛ́ no.”

We-ɛɛla 9:6

Kɛ ir dɛ́ kaa bwɛjen Damaskɔs bini. Belaa hɛɛ ba ɡɛ aa chɛ kɛ he ɛ jema.”

Hibru 11:8

Yarada taa a che Korowii aa le Abraham ŋɔ ó kaa harɛ waa baɡɔ nyoa la ta la, o le dɛ kaa. Waa dɛ kaa la, dɛ waa bela waa dɛ kaa jemɛ.