Job Tɔn 42:8 - mzwDBL

⁸ Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Job Tɔn 42:8 ပူးပေါင်းရင်းမြစ်များ

Mumpar 20:17

Asɛ Abraham soŋe Korowii tɛ Abemɛlɛk ne o haah dɛ o yomhaahna la bwa kɛ ó pili ba lol, asɛ o pili ba lol ba won loɡle,

Mumpar 20:7

Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

1 Webena 15:26

Gɛ aa ɛ ásɛ Korowii cha Lewi dea tena, ásɛ ba won che Korowii Ne Nɛwɛnyina Fɔo Daka la nomanta, ba kpoo nabala anuanɛ ne pebala anuanɛ ɛ saraha tɛ Korowii.

2 Webena 29:21

Ba kpɔ nabala anuanɛ ne pebala anuanɛ, ne pebiiri anuanɛ dɛ bombala anuanɛ, dɛ ka ɛ wechɔɡa kpɔe dɛ́ kɛ saraha tɛ harɛ la nɛra bwa, ne Korowii Dea la, dɛ Juda harɛ nɛra ɡe bwa. Kooro do Arɔn naanar baa ɛ sɔfore la ŋɔ, bá kpoo kwaa la kon baa kpoo kwaa ɛ saraha dɛɛ tɛ Korowii la ta.

Job Tɔn 1:5

Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

Job Tɔn 1:8

Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, o laa o te dɛɛ kpɔ wechɔɡa ta.”

Job Tɔn 22:30

Nɛn wobɛlbwa aa wola toole o nɛɛ kwaraa la, Korowii ɛɛ lɛo, wɛɛ che he tepoŋ haa dɔa la taa dɛ lɛo.”

Job Tɔn 35:8

He wechɔɡa ɡelɔ nɛra bane ɛɛ na wa, he waa toɡraa, nɛra banee a dɔ tɔnɔ tɛ.

Job Tɔn 42:9

Asɛ Elifas ne Bildad, dɛ Sofar ɛ ɡɛ Korowii aa ŋɔ ba be la, asɛ Korowii no Job wesoŋa la.

Yela 103:10

Waa ya deŋne tɛr ɡɛ aa chɛa, kɛɛ dɛɛ bɔ yaa ya wechɔɡa kem.

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

Jeremia 14:11

Belaa Korowii ŋɔ men Jeremia be ŋɔ, “Dɛɛ berɛ wedɛɛɡa soŋa dɛ́ tɛ a ɡɛ nɛra nɔ.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Ɛsekeɛl 45:23

Tɔpejen la dii tɔpera anuanɛ ta la, tɔpere bɛlbwa a chɛ kɛ o lawɛ nabali anuanɛ, ne pebala anuanɛ bɛlbwa aa wola kirihiah dii, dɛ́ ba ɛ saraha baa fuah tɛ mɛ. Tɔpere bɛlbwa, ó berɛ lawɛ bombal ba ɛ wechɔɡa kpɔe dɛ kɛ saraha.

Nɛra Kura 23:1

Balam ŋɔ Kooro Balak be ŋɔ, “Ma kwaa baa dɛ ɛ saraha a ta anuanɛ, ásɛ dɛ nyin nabala anuanɛ ne pebala anuanɛ ba tɛ mɛ.”

Nɛra Kura 23:14

Dɛ kpɔɔ kaa kpɔɡ baah bobɛl baa dɛ yerɛ bela Sofim, Pesɡa Bwejen doa. O ma kwaa baa dɛ ɛ saraha a ta anuanɛ, dɛ kpɔ nabal ne pebal ɛ saraha bɛlbwa ta.

Nɛra Kura 23:29

Asɛ Balam ŋɔ o be ŋɔ, “Ma kwaa baa dɛ ɛ saraha a ta anuanɛ, dɛ́ kpɔ nabala anuanɛ ne pebala anuanɛ ba tɛ mɛ.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Ɛfesos 1:6

O Binyini la waa o sune ya nɛɛ dɛ ta tea dɛ cha yaa ɡɛ, ásɛ nɛra won kpɛɛro ya sum waa dɛ na kohona la wa.

2 Timoti 4:14

Loɡre bɛl baa dɛ yerɔ Alɛksanda la ɛɛ mɛ wechɔɡa taeh. Korowii ɛɛ bɔɔ o waa waa ɛa la kemee.

Hibru 10:4

dɛkalkɛŋɔ nae ne boohna chale aa won fee wechɔɡa nɛra nɛɛ bwa.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Jems 5:14

Dɛ he bini bɛlbwa ɡe bwara dɛ weo waa, ó tomɛ nɛn o ka yerɛ asɔre la bini nomonome, ásɛ ba ba kpɔ noo leɡe o tile Yeesu sɔn ta, dɛ́ soŋe Korowii tɛo.

Jems 5:16

Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.

1 Jɔn 5:6

Yeesu Kristo aa bala dɛ ba ɛ o toma la, nee ne chal taa o che dɛ ba. Korowii nee sɔe la ɡbo ta laa o toma la che. Kɛ o chal waa fuɡa ta la ne Korowii nee sɔe la bwa taa a che. Asɛ Korowii Domadɛɛɡe ɡee di danseɛ, dɛkalkɛ o ɛ kasinteŋ te.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.

1 Samoɛl 25:35

Belaa Devid sɛh, dɛ lɛ kwaa waa kpɔa ba tɛo la dɛ ŋɔ, “Berɛ kaa dem deŋnesɔɔhna ne, mɛɛ ɛ waa haa dɛ nyin laanee tɛɛ.”