Job Tɔn 41:1 - mzwDBL

¹ Korowii berɔ bɔɔ Job ŋɔ, “Hɛɛ won ta ɡoŋa lawɛ lɛŋɔ, kɛɛ dɛ́ kpɔ ŋwɛn vɔwɛ o nyoa aa?

Job Tɔn 41:1 ပူးပေါင်းရင်းမြစ်များ

Mumpar 9:10

ne kpɔɡ bini ola ne kwaa aa dɛ tuuɡi tea ta, ne anɔ la aa dɛ huuh, ne jumbii ne kondɛɛra bwa aa ja he nɛɛ dɛ le daka la bini la.

Job Tɔn 3:8

Gel voɡra taah a ɡɛ tɔpere la, nɛra baa won mpo bini oljen waa dɛ tuuɡi harɛ, waa do kɛŋɔ lɛŋɔ yera la.

Job Tɔn 40:24

Umee dɛ́ won bɛɛlo dɛ́ dɔɔ lawɔ ɔ? Umee dɛ won lawɔ bel ne dɛ́ do ŋwɛn o mee ta nɔ?”

Yela 104:26

Stiimaere kpɔ o sie dɛ la dɛɛ ba, asɛ mpo bini oljen Lɛvayatan, haa tao la ɛɛ hɛlɛ o bini.

Yela 74:14

Henee paɡre mpo bini oljen baa dɛ yerɔ Lɛvayatan la nyuune, dɛ kpɔ tɛ pua hɛŋle ɡbo harɛ ta olchɔɡa a di.

Aesaya 27:1

Awola tɔpere la, Korowii ɛɛ kpɔ o kerejen waa nyɛɡa laanee tɛr oljen waa dɛ tuuɡi harɛ, dɛ ɛ harɛkon, dɛ ɡoɡli dɛɛ kaa sɔrr la deŋne. Onee mpo bini oljen Lɛvayatan la.