Job Tɔn 40:11 - mzwDBL

¹¹ Nyiŋi nɛra baa dɛ ɛ mbarafo, ɡel he baah di ba nɛ, ásɛ ba nyoa sɔɔh,

Job Tɔn 40:11 ပူးပေါင်းရင်းမြစ်များ

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Aesaya 2:17

Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Aesaya 42:25

A waa o ɡel o bandia waa kana kohona ba ba nɛ, dɛ ɡel ba na waa laa ta. A do kɛ o mar nii bar Israel harɛ ken, kɛ ba ta kpɔe do ba nyu bini. Nii la nyaa ba, kɛ ba ta wobɛlbwa ɡe hwele dɛ le a ta.

Yela 144:6

Gel bwaala nyɛɡle, dɛ́ lɔ he dɔma peɡre. Ta he hɛma do ba bini, bá chwa kaa.

Job Tɔn 27:22

Wɛɛ ba taɡ baa ta, waa wola ba nɛɛ sune, ba chwa dɛɛ le o be.

Job Tɔn 20:23

Korowii ɛɛ kpɔ o bandia kohonaa ba ba nɛ, dɛ́ tɛr ba deŋne, saŋ ba ta aa lɔ kwaa la ta dɛɛ di la.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.

Kaala 18:11

N deno jemɛ name kɛŋɔ Korowii kpeɡri ɡwaa voɡa bwa kpeɡri, dɛ le anɔ waa kpɔa ɛ nɛra baa dɛ nyiŋi Israel tena nyubaahna la wa.”

Kaala 15:6

N Naa Korowii, he nɔn diɡ dɔ jirima kpeɡri do o ta, he kpɔ chɔɡ ya dɔma.

Job Tɔn 4:9

Korowii bandia do kɛŋɔ dompeu, o hwee ta ba nɛɛ ba serewe.

Job Tɔn 21:30

Korowii laa wechɔɡ-ɛɛra daa le, awola waa ba tɛr nɛra deŋne, wɛɛ ɡel ba tenee awola waa ba kembɔr ne la.

Aesaya 22:19

Men Korowii ɛɛ le he ne nomombɔr bela he fa aa lole wubwa laanee, dɛ́ ba he ne harɛ.’

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 25:11

Baa dɛɛ ta nɔɔra a binii, kɛŋɔ nɛn yon dɛɛ wa nee la. Korowii ɛɛ ba ba jenu baa dɛ ɛ la ne harɛɛ, hale ba takapɔ ɡɛ bɛlbwa kwaraa naa, aa won lɛɛ ba.

Aesaya 26:5

O dɛ ba banɔ la baa dɛ ɡɔɔ ba te ne harɛ. O dɛ kuuɡi bwɛjen waa kpeɡa baa soɡe o ta, ásɛ o kuuɡi chɔ harɛ.

Jeremia 48:29

Ya no Moab tena mbarafo wa, ba dɛ na ba nyu, dɛɛ ɡɔɔ ba te kohona. Mbarafo ne deŋnekpeɡ ɡboo su ba bambili.

Daneɛl 4:24

N naa kooro, deera la munii la. Gɛɛ Nemenɛ Korowii ŋɔ aa chiɡ he nɛɛ.

Neehum 1:8

Kɛ Niniwe te, wɛɛ chɔɡoo kɛŋɔ nee waa sua dɛɛ chɔɡ kwa, ásɛ dɛ doŋi o dɔma ta biro ta.

Job Tɔn 9:5

O huɡri bwejena dɛɛ ta, o baah diu waa, o dɛ chɔɡa.

Yela 94:2

Henee bol nɛra bwa waa dɛɛ pa bole, ir dɛ́ bɔ mbarafo tena kem ɡɛ aa chɛa.