Job Tɔn 4:3 - mzwDBL

³ He chaɡle nɛra ɡalɡa wa, dɛ cha banɔ la baa ɡwɛɡra ɡe ba dɔ bokpeɡa.

Job Tɔn 4:3 ပူးပေါင်းရင်းမြစ်များ

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

Job Tɔn 16:5

Kɛ n nyoa wobol ɛɛ won tɛ heyaa bokpeɡa, dɛ́ tɛ heyaa bosɔɔhna.

Job Tɔn 29:11

Nomɛlbwa waa no n wobol dɛ́ bol n bwara wedɛɛɡe, banɔ la baa na mɛ kpɛɛ mɛ,

Job Tɔn 29:15

Menee fa dɛ tɔ nyoŋa sie, dɛɛ cha boobie.

Job Tɔn 29:16

N do kɛŋɔ mɛɛ dɛ tɛ nyaara, dɛɛ cha hɔɔhra ba wa aa lɔ kɔɔto.

Job Tɔn 29:21

Nɛra dɛ kpa dɛ́ no n wa, ba dɛ hel jeiih ken, dɛ́ no n wejaala.

Job Tɔn 4:4

He wobol cha nɛra baa nyoɡre Korowii ŋwɛnɛ, dɛ ɡel ba won che ja.

Sɛɡla 10:21

Nɛn o wa aa toɡra wobol dɔ tɔnɔ dɛɛ tɛ nɛndamanta, kɛ ɡɛne te, liire waa wola dɔe la, dɛ́ kaa o ne seo ta.

Sɛɡla 15:7

Wejerema wobol dɛ tɛ wejema, Gɛne wobolee wola won wobɛlbwa tɛ.

Sɛɡla 16:21

Nɛn o liire aa wera dɛ dɔ wejema laanee ba ŋɔ o dɛ no waa mun. O wobosoma taa a che nɛra sɛh dɛɛ ba o be.

Aesaya 35:3

Hé do banɔ la ba bwara aa yɔra la ɡbemba, bá won che kiŋkiŋ.

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Ɛsekeɛl 13:22

He nyosone la chɔɡ nɛndɛɛɡa liire, ɡɛ n fe aa wola nyin kɛ ba do. He dɛ do nɛnchɔɡa ɡbemba ba bɛ ba liire charɛ le ba wechɔɡa ta dɛ́ dɔ ba nyu.

Sefania 3:16

Tɔpere bɛl dɛ ba ásɛ ba bol Jerusalam tena be ŋɔ, “He bɛ ɔmɛ, Bwɛɡoroŋ Saayɔn tena. He bɛ ɡel he bwara hwah.

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Amanesoma Luk Aa Chwera Tɔn 22:43

Asɛ nyundua torome den ba o be dɛ ba doo ɡbemba.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Mmarare 3:28

Kpɔ waa la do Josua nɔn ta dɛ́ doo ɡbemba ó dɔ bokpeɡa, dɛkalkɛ onee dɛ́ tɔ nɛra nɔ sie dɛ́ kpɔ ba le nee la baŋ, bá ka lɛ harɛ la haa dɛ ba o nae la dɛ́ so o ta.’

Kolosi 4:6

Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.

Hibru 12:12

Anomanta, hé do banɔ la ba bwara aa yɔra ɡbemba, ba won che kiŋkiŋ.