Job Tɔn 39:6 - mzwDBL

⁶ Pua hɛŋle ɡbo harɛ taa n kpɔ tɛo o so, bela kpɔɡa aa wola won kpeɡ.

Job Tɔn 39:6 ပူးပေါင်းရင်းမြစ်များ

Yela 107:34

dɛ ɡel harɛ waa wera berɛ harɛ komɛlbwa aa wola won do wer o ta, nyubinikpeɡ tena ba fa aa soɡe bela la wa.

Jeremia 17:6

Naate ɛɛ doo kɛŋɔ dajeɡa waa cheɡɛ pua hɛŋle ɡbo harɛ ta. Wobɛlbwa aa werii do tɛo. Harɛ waa hola dɛ peɡri, nomɛlbwa aa wola won so o ta, komɛlbwa ɡe aa wola won kpeɡ o ta la, o taa wɛɛ ba cheɡa.

Jeremia 2:24

He berɔ do kɛŋɔ keeɡo waa kpaŋa, dɛ man pua hɛŋle ɡbo harɛ ta. O ba dɛ chwa dɛɛ nyin jweeraa, umee dɛ́ won sɔɔh o sie ɔ? Ambala bɛ a te koh dɛ́ chwa dɛɛ tiu, o jweera saŋ telaa, aa nao.

Job Tɔn 24:5

Gɛ keeɡore yon do pua hɛŋle ɡbo harɛ ta dɛɛ ɡaaɡe kondikwaa la, ɡɛɛ nyaara la ɡe do, ɡɛ tentenee ba ɡaaɡe nyin kondikwaa dɛɛ tɛ ba bii.

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

Hosia 8:9

Ba joɔ kaa Asiiria harɛ ta, kɛŋɔ keeɡo kpaŋi waa pere o te dɛɛ ɡaaɡe ken, dɛ yoɡ ba te tɛ Asiiria ne harɛre tena bane bá cha ba.

Ɛsekeɛl 47:11

Kɛ o nyoo aa do kɛ chɛɡbɔra la nee la te aa won do wer, aa chɔɔ bá dɔ yar dɛɛ le a ta.

Job Tɔn 39:7

Waa ɡbɔɡa aa dɛ le bwɛjena ta nyin, nomɛlbwa aa won dɛɛro dɛ́ kpɔɔ dɛɛ ɛ toma.

Jeremia 14:6

Kpɔɡ bini keeɡore cheɡɛ deŋɡarere dor, dɛɛ hɛɡɛ kɛŋɔ kalampoŋare ken, aa won na kɛrɛdɛ dɛkalkɛ kpɔɡa toole á chwe.