Job Tɔn 38:4 - mzwDBL

⁴ Maa ta harɛ dɛ ɡel o ba che o chebɔr, dɛ leperaa he doɔ? He jemaa, he baɡ mɛ.

Job Tɔn 38:4 ပူးပေါင်းရင်းမြစ်များ

Yela 104:5

He kpɔ harɛ chɔŋɛ kwaa ta a lawɔ kpoŋe, o che kiŋkiŋ waa wola yiiɡi bwa.

Hibru 1:10

Korowii berɔ ŋɔ, “Nomoa, wobɛlbwa mumpar la, henee ta harɛ. Kwaa aa lɔ nyundua ɡe, he nɔn tomaa a bwa.

Sɛɡla 30:4

Nomɛl la Korowii doa dɛ berɛ ba kaa? Umee lawɛ peu kpoŋe o nɔmpaa bini kaɔ? Umee ɡbaa nee aa lɔ harɛ ta bwa do yal ta, kɛɛ umee kpɔ jwɛhre bil harɛ nɔ ta nyoa ɔ? Umee jemɛ naate ɔ? O sɔne ɛrɔɔ? O bie sɔne ɛrɔɔ? He jemɔ waa, baɡ mɛ!

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Yela 102:25

Wobɛlbwa mumpar la, henee ta harɛ, kwaa aa lɔ nyundua ɡe, he nɔn tomaa a bwa.

Mumpar 1:1

Komɛlbwa mumpar la, Korowii ta nyundua ne harɛ.

Sɛɡla 8:22

Men Wejema, menee Korowii tɔ sie ta, mɔɔ dɛ pa mun ta komɛlbwa.

Mumpar 2:4

Kenii Korowii ta nyundua ne harɛ. Korowii aa ta nyundua ne harɛ la,

1 Samoɛl 2:8

He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.

Job Tɔn 15:7

Henee nɛn baa tɔ sie lolɛ aa? He lole mɔɔ Korowii ta deŋɡarere aa?

Job Tɔn 34:13

Umee kpɔ harɛ nɔ do o nɔn ta nɔ? Umee ŋɔa wɛɛ nyiŋi harɛ nɔ bwa ta nɔ?

Aesaya 40:14

Ume bee Korowii la, naate baɡlo waa ó jemɔɔ? Umee baɡlo kasinteŋ ŋwɛnɛ ɔ? Ume tenee baɡlo wejema, kɛɛ waa mun noe yɔ?

Jeremia 10:12

Korowii cheɡɛ o kpeɡri ta dɛ ta harɛ, o wejema nee o ta harɛ nɔ bwa, dɛ che o liire ta dɛ paɡri nyundua ɡe.

Emɔs 4:13

Korowiirii ta bwejena dɛ ta peu ɡe, dɛ ɡel nɛn jemɛ o liire. Onee ɡela webaŋa won jwaana bera, bwejena dor ɛ o natiɡribɔr, o sɔne Korowii Waa Ɛ Kpeɡri Bwa Dɔɔ.

Job Tɔn 28:25

Korowiirii ɡela peu nyoa do kpeɡri, dɛ maɡɛ mpo bini ne,

Yela 102:26

A bwa ɛɛ chɔɡoo, aa wola lee do kpa, kɛ he te ɛɛ do lee dɛɛ la. A bwa ɛɛ ba ɛ kombenaa ba kpɔ ta kɛŋɔ yal yon hɛh la.

Sɛɡla 3:19

Wejema nee Korowii ta harɛ, waa mun noe taa o che, dɛ ta nyundua ɡe.