Job Tɔn 38:28 - mzwDBL

²⁸ Bwaala do kɛ nɛn dɛ dɔ mɛɛ aa? Nomɛlee lolɛ mɛn aa dɛ le ɡe aa?

Job Tɔn 38:28 ပူးပေါင်းရင်းမြစ်များ

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Yela 147:8

Onee kpɔ baama tɔ nyundua bwa, dɛ ɡel bwaala ɛɛ nɛ harɛ ta, kpɔɡa ɡe ɛɛ moɡɛ deŋɡarere ta.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Emɔs 4:7

Menee ɡela bwaala ɡel nɛɛ, ɡɛ saŋ aa ka korobie atoro he komɛ koo koŋkwaare. N ɡelɔ bwaala nɛ bwɛɛ beŋkpoŋ ta, dɛ ɡel o ta bɛl te ta nɛɛ. O nɛ koo bɛl ta, bɛl ta bwaala dɔe, harɛ hol.

Joel 2:23

Saayɔn tena, hé ɡel he sie lɛ, hɛɛ hɛɡre Korowii haa dɛ tomɛ nɛ yoo bwaala ne bwaala loɡla waa tɛ heya kɛrɛdɛ wa. O ɡelɔ bwaala nɛ heyaa kohona.

Hosia 14:5

Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.

Jeremia 10:13

O bol wa aa, bwaala dɛ nɛ dɛɛ kɔɡre nyundujaɡla, o ɡelɔ baama aa dɛ nɛ bwaala ir dɛɛ le harɛ jaɡa. O ɡelɔ bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Jeremia 5:24

He ta liire dɔe ŋwɛnɛ bɛlbwa ta kɛŋɔ he kpɔ duure tɛ mɛ. Menee ɡela bwaala loɡla ne yoo bwaala ɛɛ nɛ, he kondikwaare ɛɛ do wer, hɛɛ koma bena bɛlbwa.

Sɛɡla 3:20

O wejema taa o che, dɛ ta neerare aa palɛ, dɛ berɛ ta baama aa ɛ bwaala dɛɛ nɛ.

Job Tɔn 38:8

Men Korowiirii ɡela mpo nyoa boa chɔ bobeŋkpoŋ, ɡɛ saŋ maa ɡela nee le o vile ta, kɛ baa lolɛ bie,

Job Tɔn 29:19

N do kɛŋɔ daa o lune aa kaa nee ta, asɛ mɛn ɛɛ ta o kpala ta jwaana.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

2 Samoɛl 1:21

Mɛn kɛɛ bwaala bɛ Gelboa deŋɡarere ta nɛ, o harɛre bɛ won dɛɛ ɛ kondikwaa ɡe kpa! Banyoola kwaa baa kpɔa tɔ ba te ɡbemɡbe dɛɛ yo chɔ bela, baa noo kpɔe dɛɛ fɔɡɛ Kooro Sɔɔl kon waa kpɔa dɛɛ tɔ o te ɡbemɡbe wɛɛ nyɛɡle kpa.

Mmarare 33:28

Anomanta, Jekɔb naanar, bosɔɔhna taa hɛɛ ba soɡa. Harɛ mea ne sen aa lɔ o ta asɛ mɛn ɛɛ ta dɛɛ pwe harɛ la.

Mmarare 33:13

O bol Josef dea tena ɡe waa ŋɔ, ‘N Naa Korowii, ɡel bwaala nɛ ba harɛ ta o do wer. Ásɛ nee bule dɛɛ le harɛ bini ó do sɔne.

Mumpar 27:39

Belaa o mɛɛ Aesek ŋɔ, “Korowii aa nyundua pili dɛ́ nɛ bwaala tɛɛ, waa hen harɛdɛɛɡee tɛ he so dɛ́ dɔ kondikwa.

Mumpar 27:28

Kórowii pili nyundua dɛ́ nɛ bwaala, dɛ́ tɛɛ hɛɛra he konduula bwa do wer, he dɔ kondikwaa ne senfala kohona.

Job Tɔn 36:27

Onee tɛr nee le harɛ kaa nyundua, dɛ ɡel a berɛ bwaala, dɛ palɛ dɛɛ jo nenabɔɔne ta.

Job Tɔn 36:28

Bwaala le baama ta, dɛɛ nɛ kohona nɛwɛnyina bwa nɛ.