Job Tɔn 32:8 - mzwDBL

⁸ Kɛ Korowii kpɔ o Doma dɛɛ do nɛn bini, On Waa Ɛ Kpeɡri Bwa Dɔɔree hweera dɛɛ tɛo wejema.

Job Tɔn 32:8 ပူးပေါင်းရင်းမြစ်များ

Mumpar 41:38

Asɛ kooro ŋɔ o nomonome la be ŋɔ, “Dɛ Josef laa, nomɛlbwa toole, o nɛɛ Korowii Doma so, onee dɛ́ won nyiŋi kondikwaa nɔ ta.”

Mumpar 41:39

Belaa kooro ŋɔ Josef be ŋɔ, “Korowiirii baɡle anɔ bwa, anomanta, ya bwa nao kɛŋɔ he dɔ wejema dɛɛ no waa mun dɛ ɡwaa nomɛlbwa.

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Koranar 4:29

Korowii tɛ Kooro Solomɔn wejema ne waa mun noe kohona aa wola nyoa dɔe kɛŋɔ mpo nyoa hɛŋle ken.

1 Koranar 5:9

Mɛɛ ɡeloo n nɛra le a ne Lɛbanɔn harɛ dɛ́ ba a ne mpo nyoa, dɛ́ ba vɔrɔwa pɛ dɛ́ taɡɛ do nee ta ba tɛɛ bela haa dɛ nyin, ásɛ dɛ pura he nɛra ba kpɔ kaa. Waa n ɡe aa dɛ nyin laanee kɛŋɔ he ɡe ba tɛ mɛ kondikwa ń tɛ n dem tena.”

Job Tɔn 12:13

Korowii bee wejema ne kpeɡri, ne nɛra jae dɛ waa mun noe le.

Job Tɔn 12:16

Korowiirii dɔ kpeɡri ne wejema, nɛra baa dɛ neɡre nɛra ne banɔ la baa neɡ ba bwa lɔ o lɔɡa.

Job Tɔn 27:3

n ta aa lɔ mkpa bini, Korowii ta ɡel mɛɛ hwee nɔ,

Job Tɔn 33:16

a taa Korowii bol waa dɛɛ do ba deŋna ta, dɛɛ kah ba ɔmee kohona ɛɛ laɡ ba,

Job Tɔn 33:4

Korowii Doma taa o che ta mɛ, On Waa Ɛ Kpeɡri Bwa Dɔɔree hweera do n bini n dɔ mkpa.

Job Tɔn 35:11

Onee dɛɛ baɡle yaa waa dɛ ɡwaa ɡɛ waa dɛ baɡle kpɔɡ bini ola, dɛ ɡel ya dɔ wejema ɡwaa jumbii.’

Job Tɔn 38:36

Umee kpɔ wejema do nɛn liire bini, kɛɛ nɛn ɛɛ no waa mun ɔ?

Sɛɡla 2:6

Korowii bee wejema le, onee dɛɛ tɛ wejema ne waa mun noe.

Sɛɡla 20:27

Korowii hweera waa hweera do nɛn bini la, do kɛ kandea dɛɛ chaah waa aa lɔ ya liire bini.

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Aesaya 28:26

O jemɛ o toma. Korowiirii baɡlo anɔ la aa wera.

Daneɛl 1:17

Korowii tɛ ɡɛ bonɔɔna banaarɛ la wejema ne waa mun noe, ba won kure tɔne dɛ jemɛ chwera ɡe kɛrɛdɛ. Dɛ Daneɛl berɔ won wepila ne deera bwa soo siwi mun baɡla.

Daneɛl 2:21

Onee dɛɛ beɡre tɔpera ne saŋ, onee dɛɛ chiɡ nɛn kora ta, dɛ́ berɛ iru kora ta. Onee dɛɛ tɛ wejerema wejema, dɛɛ tɛ lem ne waa mun noe.

1 Kɔrent 12:8

O tɛ nɛra bane wejema, dɛ tɛ bane ɡe sipila. O Doma beŋkpoŋ laanee tɛ ba bwa a ɡɛ kpeɡri la, bá won bol waa dɛɛ baɡle nɛra,

2 Timoti 3:16

Korowii Tɔn bini waa bwa, Korowiirii kpɔa do nɛra liire ta ba chwera. A wer kɛ ba kpɔa dɛɛ baɡle nɛra wa, dɛ kpɔa dɛɛ kah nɛra ba wechɔɡa ta, dɛ kpɔa dɛɛ toɡre nɛra, dɛ kpɔa dɛɛ chaɡle nɛra waa aa dɛ su Korowii siwi.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.