Job Tɔn 32:21 - mzwDBL

²¹ Maa bɛlbwa siebɔree nyiŋi ɡwaa bɛl, maa waa bol dɛɛ fɛrɛ,

Job Tɔn 32:21 ပူးပေါင်းရင်းမြစ်များ

Lewi Dea Tena 19:15

Hé nyiŋi dɛɛ pa waa bole aŋwɛnɛ ta. Naate ɛ nyaaraa, he bɛ o nɛɛ sune, he bɛ suuɡa te ɡe siebɔr nyiŋi. Kpɔ kasinteŋ pa he dɔŋ bole.

Matiu 22:16

Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.

Job Tɔn 34:19

Waa koranar siebɔr nyiŋi, waa suuɡa tena kpɔe dɛɛ ɡwaa nyaara, dɛkalkɛ, onee ta ba bwa.

Job Tɔn 13:8

Hɛɛ won ɡel o baŋa pa aa? Hɛɛ won bol o waa tɛo kɔɔto aa?

Sɛɡla 24:23

Wejemwobol ane ɡee nɔ. Nɛn siebɔr nyiŋa dɛ́ bol waa dɛ́ pa bole ta aŋwɛnɛ ta ɛɛ.

Job Tɔn 13:10

Dɛ he ɛ waa dɛ sɔh dɛɛ nyiŋi nɛra sie ta naa, Korowii ɛɛ pa heyaa bolchɔɡee.

2 Samoɛl 14:20

He bonɔɔ Joab ɛ ɡɛ dɛ́ fee berɛ waa nɔ sie. N dɔɔ, he dɔ wejema kɛŋɔ Korowii torome, dɛ jemɛ wobɛlbwa aa dɛ chiɡ harɛ nɔ ta bobɛlbwa.”

2 Samoɛl 14:17

N berɔ lii ja kɛŋɔ, hɛɛ ɡeloo n dɔ bosɔɔhna, dɛkalkɛŋɔ he do kɛŋɔ Korowii torome, he jemɛ wechɔɡa ne wedɛɛɡa. Korowii haa dɛ tomɔ la ja he nɛ.”

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Mmarare 1:17

he bɛ nɛra siebɔr dɛɛ nyiŋi. Hɛ́ɛ no nomɛlbwa waa kɛrɛdɛ. Bechale ne nomonome bwa, hé nyiŋi ba bwa waa bini kɛrɛdɛ. He bɛ nomɛlbwa siebɔr ɔmɛ, Korowii ɛɛ che he nɛɛ dɛ́ pa bole. Dɛ waane bola kpeɡri tɛ heya aa, bá ba a ne n sie ásɛ n bola.’

Job Tɔn 32:20

A chɛ kɛ n bol wa ásɛ n bwara sɔɔh mɛ, a chɛ kɛ n pili nyoa dɛ́ chaŋe.

Job Tɔn 32:22

dɛ n bol waa dɛɛ fɛrɛ aa, Korowii ɛɛ chɔɡ mɛɛ.”

Job Tɔn 33:3

Tepoŋ nee mɛɛ ba waa bola, kasinteŋii mɛɛ ba bola.

Yela 82:2

“Saŋ besoo he ɡel nɛra sie nyiŋa dɛ́ɛ pa bole ɔ? Hé ɡel nyubinikpeɡ tena nɛɛ suna bole pae ta.

Sɛɡla 28:23

Nɛn waa bol waa baɡle o dɔŋ o charɛ la, o dɛ dɔ sɔndɛɛɡe ɡwaa nɛn waa kpɔ wobosoma dɛɛ neɡre o dɔŋ.

Malakae 2:9

Anomanta, n ɡelɔ haa jirimaa dɔ, ásɛ sihiih kpo heyaa Israel tena siwi ta, dɛkalkɛ he ta n waa ta teŋɛ. Nɛra siebɔraa he nyiŋi dɛɛ bol wa.”