Job Tɔn 31:4 - mzwDBL

⁴ Waa n we-ɛɛla jemaa? Waa n naɡale bɛlbwa na naa?

Job Tɔn 31:4 ပူးပေါင်းရင်းမြစ်များ

Job Tɔn 34:21

O sie lɔ nɛra we-ɛɛla ta, dɛɛ na ba naɡale bɛlbwa.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Sɛɡla 5:21

Korowii dɛ na wobɛlbwa haa dɛ ɛ, o jemɛ he vala bini bwa.

Job Tɔn 14:16

Kasinteŋ, he fe ɛɛ dɛɛ nyiŋi n vala binii, haa wola n wechɔɡaa nyiŋi.

Jeremia 32:19

He dɛ vɔrɔwe vɔrɔwa aa wera dɛɛ ɛ wejena. He sie lɔ wobɛlbwa nɛn aa dɛ ɛ ta, dɛɛ bɔ ba kem ɡɛ bɛlbwa we-ɛɛla aa doa.

Sɛɡla 15:3

Korowii dɛ na bobɛlbwa, o dɛ nyiŋi wechɔɡ-ɛɛra ne wedɛɡ-ɛɛra bwa.

Jeremia 16:17

Korowii dɛ na waa bwa baa dɛ ɛ, a bwa chɔ o sie. Gɛɛ baa wola won kpɔ ba wechɔɡa ɡe sɔɔh.

Mumpar 16:13

Korowii aa bol waa Heeɡa be la nomanta, o pa bie la sɔn ŋɔ, “Korowii haa dɛ na mɛ,” dɛ ŋɔ, “Korowiirii n na dɛ ta so le nɔ naa?”

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Amanesoma Jɔn Aa Chwera Tɔn 1:48

Belaa Nataaneɛl bɔɔro ŋɔ, “Ɛrɛɛ he ɛ jem mɛ nɔ?” Asɛ Yeesu chaŋo ŋɔ, “Haa lɔ fiɡ la mun la, n nae mɔɔ Felep ka yerɛ la.”

Yela 44:21

he fe nao, dɛkalkɛ, he jemɛ ya nyu bini liire aa sɔah bwa.

Job Tɔn 11:11

Korowii jemɛ nyosonteŋna wa, o dɛ na ba wechɔɡa we-ɛɛla bwa kɛrɛdɛ.

Job Tɔn 24:23

Korowii ken ɛɛ ɡeloo ba bwara sɔɔh ba ba soɡa bini, kɛ dɛ o sie lɔ ba we-ɛɛla ta.

Job Tɔn 28:24

dɛkalkɛ o dɛ na harɛ jaɡa bwa, dɛɛ na komɛlbwa waa lɔ o ta.

Job Tɔn 31:37

Mɛɛ baɡle Korowii wobɛlbwa maa ɛa n baŋa pa ásɛ n ba o sie maa wola ɔmɛ.

Job Tɔn 36:7

Waa sie laa dɛɛ kpɔ nɛra ba wa aa toɡra nɛ, o ɡelɔ baa do kɛ koranar, dɛɛ dɔ duure saŋ bɛlbwa.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.