Job Tɔn 30:1 - mzwDBL

¹ Job teŋɔ ŋɔ, “Nɛra maa ɡwaa ba nomonome kwaraa dɛ mam mɛ taraken! Ba mɛɛnanar kwaraa n fe aa wola ban kpɔ, ba ne n nyootena daah n peera.

Job Tɔn 30:1 ပူးပေါင်းရင်းမြစ်များ

Job Tɔn 12:4

N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.

Amanesoma Luk Aa Chwera Tɔn 23:35

Nɛnlaa cheɡɛ bela dɛɛ nyiŋu. Juu tena nomonome muɡli o baah ŋɔ, “Kɛ he wono lɛ bane oo? Dɛ he ŋɔ henee Kristo la Korowii aa leo la aa, lɛ he te yá na!”

Yela 69:12

Ba dɛ bol n waa fɔɡbaahna, sennyɔdɛɛra kpɔ mɛ dɛɛ ɡo yela.

2 Koranar 2:23

Elaesa le Jeriko dɛɛ kaa Bɛtel, waa dɛ kaa la, bechale bane le bwɛɛ la ta dɛ baa ɛo nɛnhɛla ŋɔ, “Le bonɔ, nyuɡbaale te bɛl le!”

Taetos 1:12

Kret tena la bɛl baa dɛ liiru kɛŋɔ o jemɛ wobol kɛrɛdɛ fa bolɔ ŋɔ, “Ya Kret tena bwa ɛ nyosonteŋna, ya we-ɛɛla do kɛŋɔ kpɔɡ bini ola ken. Ya ɛ bɔhwaahra dɛɛ di kwaa kohona.”

We-ɛɛla 17:5

Nɛra baa yarada Pɔɔlwa waa la, dɛ baa ja asɔre tena la nɛɛ la aa dɛ warɛ la, dɛ aa somɛ Juu tena la be, asɛ ba ka nyin nɛŋkasale baa wola toma dɔe dɛ yon do dembaah dɛɛ ɡaaɡe ɡbo la, dɛ ir ba bwaawee, asɛ ba ne ba valɛ dɛɛ do ɡbɔɡa bwɛɛ la bwa. Ba la Jasen dem ŋɔ bá fe ka lawɛ Pɔɔl ne Silas ba tɛ bwɛɛla la.

Amanesoma Luk Aa Chwera Tɔn 23:39

Wechɔɡ-ɛɛra baa ja o nɛɛ la bɛl bol waa yaɡɔ ŋɔ, “He laa Kristo la kɛɛ? Lɛ he te dɛ́ lɛ ya ɡeo.”

Amanesoma Luk Aa Chwera Tɔn 23:18

Belaa nɛnlaa la bwa kpɔ takpeɡ ŋɔ, “Kpoo! Le Barabas ta ó kaa!”

Amanesoma Luk Aa Chwera Tɔn 23:14

dɛ ŋɔ ba be ŋɔ, “Heyaa lawɛ baa nɔ ba n be dɛ ŋɔ o dɛ do nɛra dochɔɡa ŋɔ bá lɛ ɡaeh harɛ nɔ ta. N bɔɔro a bini he bwa siwi ta bonɔ dɛ na kɛŋɔ o ta wechɔɡa ɛɛ. Kpɔe he kpɔ waa la dɛɛ dawɔ.

Amanesoma Mak Aa Chwera Tɔn 14:65

Dɛ bane ta nentane dɛɛ ta o nɛ, asɛ bane ɡe kpɔ nɔɔra tɔ o sie dɛɛ lɔɔro dɛɛ tɔɔ kande dɛ ŋɔ ó jemɛ naate waa lɔɔ. Asɛ soojare baa dɛ daah bela la kpakpaa o lwɛrɛme.

Aesaya 3:5

Nɛra ɛɛ dɛɛ fiiɡi dɔŋaa, nɛn pu o dɔŋ dɛɛ yo, chamenate ne o chamenate ɛɛ yo. Bechale aa ba nomonomee duu, nɛnsale ɡe aa nɛra baa dɔ nyanyinii kpɔ ɛ wobɛlbwa.

Job Tɔn 30:2

Wedɛɛɡa besoo mɛɛ ba dɔe le, a ɡɛ nɛra baa do ken dɛ ɡwɛɡre nɔ be nɔ?

Yela 119:51

Mbarafo tena aa n loro dii ɡel bwa, kɛ a ta ɡelɛ n laa n te kpɔ he Mmarare ta teŋa ta.