Job Tɔn 3:14 - mzwDBL

¹⁴ n ne koranar ne nomonjena, ba fa aa ma dejena a saŋ la, dɛ so a ta bwa berɛ dimɡbia.

Job Tɔn 3:14 ပူးပေါင်းရင်းမြစ်များ

Job Tɔn 15:28

Baa ka so bwɛɛre aa paɡra, ne deremi a nɛra aa chwaa kaa la taa, a ka tama deene la choɡli.

Ɛsekeɛl 26:20

Mɛɛ kpɔ bwɛjen Taayaa ka ja lala bini, o ka pu saŋ la tena baa serewa la. Mɛɛ ɡeloo o ka so bela kɛŋɔ bwɛɛre a fa aa paɡra la, o ne nɛra baa serewa biɡri la so. Waa won ba harɛ nɔ ta weera bini kpa.

Aesaya 58:12

Ásɛ he nɛra won berɛ kwaa vɔrɔwe saŋ la bwɛɛre aa paɡra, dɛ berɛ dimɡbeeni la cheɡ a buɡ ta. Baa yerɛ heyaa nɛra haa won danjwɛɛre aa kuuɡa kwaaraa, ne nɛra haa won deene aa choɡla mae.”

Aesaya 5:8

Hé bwɛɛlɛ, he banɔ la haa yawɛ deremi dɛɛ ja deremi ta, dɛ berɛ yawɛ kooni dɛɛ ja kooni ta, dɛ ka tel kɛŋɔ bɔr aa wola lee do tɛ he bala, asɛ he ɡbo lɛ harɛ dɔɔh dɛ so.

Wejereme 8:8

Nomɛlbwa ta kpeɡri dɔe o doma nɛ, nomɛlbwa aa jemɛ tɔpere waa dɛ ba sewa. Gɛ baa wola won lawɛ nɛn le laa ta la, ɡɛɛ wechɔɡa aa wola nɛra baa dɛ ɛ wechɔɡa bini le.

Yela 89:48

Umee dɛ́ so le waa wola sewɛ bwa nɔ? Nɛwɛnyinii ume, dɛ́ ŋɔ, waa lalbɔɔ binii kaa lɔ?

Yela 49:14

Baa na waa, dɛ́ serewe kɛ peera, seo tɔ ba sie dɛ́ kaa ba ne lalbɔɔne bini. Nɛra ba wa aa toɡra ɛɛ tiɡri ba nɛɛ, ba pɔh ba lalbɔɔne bini, ba ne ba deremi baah do jaŋne.

Job Tɔn 30:23

N jemɔ kɛŋɔ seo binii hɛɛ kaa n ne, bela haa lea cheɡ nomɛlbwa la.

Job Tɔn 12:17

O lɛ nɛra baa dɛ ja nɛra wejema, dɛ ɡel nɛra baa bol waa dɛɛ pa bole do kɛŋɔ ɡɛna ken.

1 Koranar 11:43

A habɔɔ, Kooro Solomɔn sewɔ ka pu o naawa, asɛ ba huɡo Jerusalam, o mɛɛ Kooro Devid bwɛjen ta, asɛ o bibaa Rɛhoboam ba chiɡ o naa ta di kora.

1 Koranar 2:10

Asɛ Kooro Devid chɔ o banɔn ta ba huɡo Jerusalam Kooro Devid Bwɛjen ta o ka pu o naawa.

Job Tɔn 12:18

O dɛ lɛ koranar kpeɡri, dɛ́ ɛɛ ba kɛŋɔ yoma.

Aesaya 14:18

Koranar baa serewa la bɛlbwa chɔ o ɡbaɡba lalbɔɔ bini, ba ɛ ba ŋwama la a do wer.

Aesaya 22:16

‘Henee umeo? Umee tɛɛ ŋwɛnɛ ŋɔ hé pɛɡre bwe, dɛ́ kpɔ bela ɛ he lalbɔɔ, asɛ hɛɛ ɛo bodɛɛɡe dɛ́ kpɔ bela ɛ he chɔɔbɔr nɔɔ?