13 Dɛ n fe sewɔ ɡɛ saŋ aa, n fe chɔ deŋnesɔɔhna ta, dɛɛ onɛ,
Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.
Nomɛl dɛ́ sewɛ dɛ o bwara ta kpeɡri kohona, ɡɛ saŋ o bwara aa sɔɔhno o dɔ bosɔɔhna,
Gɛ nɛra la dɛ́ dɔ kondɔɔh ba soɡa bini bwa, dɛ yon sewɛ deŋnesɔɔhna ta, bá huɡ ba.
N ɡbabir ɛɛ nao siwi nee, nomɛl laa dɛɛ ba o nae, n sie cheɡɛ chiŋ o wa.
N hwɛɡa bwa lɔ lalabwɛ, belaa mɛɛ ba n kalaŋ pae dɛ́ chɔ biro ta.
bela ɛ biro ɡbo dɛ do kɛŋɔ harambaŋa o ta mar dɔe, dɛ do saɡasaɡa.”
Ɛrɛɛ haa wola n wechɔɡa kpɔe kɛ mɛ, dɛ ɡel waa maa koni a ta la taɔ? Maa biɡri chɔ n banɔn ta, hɛɛ dɛɛ nyin n bɔree, kɛ dɛ n toole.”
Bɔkwaa n nya kpɔ mɛ dawɛ o nakpale ta, kɛɛ dɛ ɔr mɛ elɔ?
ásɛ n berɔ kaa laa, maa wola berɛ ba kpa. N dɛ kaa bela bochaah naa wola toole, bela biro ne suna ɡbo aa lole,
He dɛ pɔ o nɛɛ o sewɛ dɛ́ kaa, dɛ́ ɡel o siebɔr beɡre ó kaa.
A ka n bene tamaa ken, n kaa bela baa wola laŋɛ dɛɛ ba kpa.”
N jemɔ kɛŋɔ n Lɛɛ lole, waa bwa jaɡa saŋ la, wɛɛ ba harɛ nɔ taa, dɛ́ ba bol n waa tɛ mɛ.
Ba bwa dɛ́ sewɛ baa huɡ ba, ásɛ kwaa di ba ola.
Gɛ dombwea yon nyoɡre bɔwɔb kɛɛ hwel saŋ la, ɡɛɛ wechɔɡ-ɛɛra ɡe nyoɡre dɛɛ kaa lalabwɛ.
Ba nyare baa lol ba ɡba soh ba wa, dudule di ba ola. Ba dɛ soh nyubinikpeɡ tena la waa kwaraa, ba dɛ do kɛŋɔ daa waa kuuɡa ken.
Lala bwara dɛ sa kɛrɛdɛ, banla baa lɔ neerare bini, ne kwaa aa soɡe a bini bwa.
Lalabwɛɛ chɔ pɛɛ Korowii siwi ta, komɛlbwa toole dɛ́ tɔ o ta waa wola on na.
Bɔr bira toole, biro toole bobɛlbwa, dɛ́ tɔ wechɔɡ-ɛɛra nɛ ba kpɔ ba te sɔh Korowii.
Ba ta ba te nomonhuɡa huɡe ɡɛ ba yon dɛɛ huɡe saŋ la banyoola dɛ kpɔ ba nyuune dɛɛ dawɛ ba keri ta lalabwɛ, dɛ kpɔ ba dɔmkwaa dɛɛ dawɛ ba nɛɛ la. Banyoola nɔ fa aa soɡe le dɛ do kpeɡri la, ba kpɔ ɔmee kohona ta nɛra nɛ.
