Job Tɔn 29:3 - mzwDBL

³ ɡɛ saŋ waa ɡela n ŋwɛnɛre chaah dɛ ɡel n won valɛ biro ta!

Job Tɔn 29:3 ပူးပေါင်းရင်းမြစ်များ

Yela 18:28

N Naa Korowii, henee ɡela bɔr chaah n sie mɛɛ na, he ɡelɔ n le biro ta ba bochaah ta.

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

Job Tɔn 18:6

Kandere aa lɔ ba deenee ɛɛ dimoo, bɔr bir ta ba nɛ.

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

Amanesoma Jɔn Aa Chwera Tɔn 12:46

N ba harɛ nɔ ta kɛŋɔ kandea dɛ baa chaah nɛra bwa, ásɛ nomɛlbwa waa yarada mɛ la bɛ biro ta do kpa.

Job Tɔn 22:28

Waa haa dɛ lii ŋɔ hɛɛ ɛo ɛɛ do werii tɛɛ, he ŋwɛnɛre bwa chaah.

Job Tɔn 11:17

He soɡa bini ɛɛ chaahnoo dɛ ɡwaa webaŋa, ásɛ he wenaale aa do kɛŋɔ biro la do kɛŋɔ chɔmbibi wechɛn ken.

Sɛɡla 24:20

Wechɔɡ-ɛɛ ta hwɛɡa bɛlbwa dɔe kerekere, wobɛlbwa toole o sie dawɛ a ta.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Aesaya 2:4

Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Sɛɡla 13:9

Nɛn o wa aa toɡra soɡa bini chaahnɔ kɛŋɔ bochaah ken, kɛ nɛnchɔɡe te do kɛŋɔ kandea waa dɛ dime.

Yela 27:1

Korowii do kɛ kandea dɛɛ chaah mɛ, dɛ ɛ n Lɛɛ, maa nomɛlbwa ɔmɛ. Korowiirii ɛ n Kpeɡnɛn n chwa kaa marɔ, maa ɔmɛ bwa.

Yela 23:4

Hale n dɛ valɛ biro tenten bini kwaraa naa, maa ɔmɛ, dɛkalkɛ he ja n nɛ, he daŋɡbala haa kpɔa dɛɛ teɡɛ peera laanee dɛɛ tɛ mɛ bosɔɔhna.

Sɛɡla 20:20

He taah he nya kɛɛ he mɛɛ aa, he piɡro dɛɛ sewɛ kɛŋɔ kandea aa dima biro ta la.

Yela 4:6

Nɛra warɔ dɛɛ soŋe ŋɔ, “Umee dɛ́ won ɡel yá dɔ wedɛɛɡa ɔ?” N Naa Korowii, na ya sum.

Job Tɔn 21:17

Korowii ɡelɔ nyubinikpeɡ tena piɡri dɛɛ sewaa? Wekpeɡa toolo dɛɛ ba ba nɛ aa? Korowii baah diu o tɛr nɛnchɔɡe deŋne bwa naa?

Yela 18:29

He tɛ mɛ kpeɡri n won yo n dɔma, dɛ cha mɛ n jah ɡale ba danjwɛjen baa maa bar ba bwɛ.

Yela 112:4

Hale biro ta, nii dɛ chaah nɛn o wa aa toɡra sie, nɛn waa dɔ tedoma ne nɛn nɛɛ suna o waa dɔ kasinteŋ la.