Job Tɔn 28:1 - mzwDBL

¹ Job berɔ ŋɔ, “Bela baa dɛ kwi suuɡapoŋa lole, bela baa laa doŋa dɛɛ kpɔ suuɡaswɛm ta ɡe do le.

Job Tɔn 28:1 ပူးပေါင်းရင်းမြစ်များ

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

Aesaya 48:10

N do heyaa weweele ta, dɛ daah heyaa na, kɛŋɔ ba yon do suuɡapoŋ nii ta dɛ mwɛɛlo la. Kɛ n nao kɛŋɔ haa siwi su.

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Sɛɡla 27:21

Nii taa ba kpɔ suuɡapoŋ ne suuɡaswɛm do dɛ́ jemɛ kɛ a wer, ɡɛɛ a che nɛn kpɛɛra ta, baa jemɛ o nɛnsoo.

Yela 12:6

Korowii waa do chasee, dɛ do yaradae, kɛŋɔ suuɡapoŋ baa laa doŋa kpɔ o ta kera anuanɛ, o do wer kohona la.

1 Koranar 10:21

Kooro Solomɔn numoli bwa, suuɡaswɛmee ba kpɔ ɛa. Laala aa lɔ Lɛbanɔn Kɔr Bini Koodem ɡe, suuɡaswɛm tenten nee ba ɛ a bwa. Ba ta suuɡapoŋa kpɔe ɛ komɛlbwa dɛkalkɛŋɔ, Kooro Solomɔn bere saŋ la, dɛ suuɡapoŋa ta komɛlbwa ɛɛ, dɛ baa a ne wobɛlbwa ɛ.

Mumpar 24:22

Belaa nyoɡmare la aa nyɔ nee la tonɛ la, bonɔɔ la laa suuɡaswɛm noniseɡ baa kpɔa dɛɛ do mee o yoɡ do kpeɡri kohona do Rebɛka mee ta, dɛ berɛ kpɔ suuɡaswɛm nɔnloɡa do o nɔɔra.

Mumpar 23:15

“Nomoa, dɛɛ no. Harɛ la yoɡ lɔ suuɡapoŋa lafraanaarɛ, kɛ a ta kwaane ɛɛ n ne he baah. He te ka huɡe he nɛn.”

Job Tɔn 27:23

Peu lɔ kpaŋa ta ba nɛɛ kɛ nɛn, ba wechɔɡa wa, o nyoa ɛɛ si dɛ taɡ ba le ba deremi.”

Job Tɔn 28:2

Harɛ binii ba kwi buni dɛɛ le, dɛ dɔ ayaawa dɛɛ le bwea ane ɡe ta.