Job Tɔn 27:2 - mzwDBL

² “N ŋwɛɛ Korowii, waa lole saŋ bɛl bwa, Korowii Waa Ɛ Kpeɡri Bwa Dɔɔ waa wola men kɛrɛdɛ ɛɛ, dɛ ɡel mɛɛ na wahala,

Job Tɔn 27:2 ပူးပေါင်းရင်းမြစ်များ

2 Samoɛl 2:27

Anee Joab chaŋe ŋɔ, “N ŋwɛɛ Korowii waa lole saŋ bɛlbwa kɛŋɔ, dɛ ken laa he bol aa, n nɛra la fe ɛɛ ti heyaa ka tel kere chɔɔ.”

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Koranar 18:15

Belaa Elaeja ŋɔ, “N ŋwɛɛ Nemenɛ Korowii waa lole saŋ bɛlbwa mɛɛ tomɔ nɔ kɛŋɔ, fini mɛɛ kpɔ n tenee ka baɡle Kooro Ahab.”

2 Koranar 4:27

Haah la aa kaa pu Korowii keame la bwe la ta la, o chole Korowii keame la sie, dɛ lawɛ o nakpale kpoŋe. Asɛ Gehasi ŋɔ o ka taɡɔ ta, anee Korowii keame la ŋɔ, “Gelo, o loo kuu kohona. Korowii kpɔ waa aa puu la sɔɔh mɛ.”

Job Tɔn 10:3

A wer he be kɛŋɔ he fiɡ mɛ, dɛ́ vɛh kon he ɡbabir aa tao wa aa? Hɛɛ sɛh waa wechɔɡ-ɛɛra aa dɛ vɔrɔwe taa yaa?

Job Tɔn 16:11

Korowii kpɔ mɛ do wechɔɡ-ɛɛra nɔn ta, o taɡ mɛ ta ba bini.

Job Tɔn 19:6

Hé jemɛ kɛŋɔ Korowiirii ɡela wenaale nɔ ba n nɛ, o harɛ bel dɛ laɡ mɛ.

Job Tɔn 23:16

Korowii ɡelɔ n bambile chɔɡ, Korowii Waa Ɛ Kpeɡri Bwa Dɔɔ la ɡelɔ n ɔmɛ.

Job Tɔn 34:5

Job te ŋɔ, ‘N ta bolchɔɡe dii, kɛ Korowiirii vɔm mɛ bole pae.

Job Tɔn 35:2

“Job, he dɛ lii kɛŋɔ waa nɔ toɡraa? He ŋɔ, ‘N Naa Korowii, ɛrɛɛ n bolchɔɡe dii ɛɛ ba wona ɛɛ nɔ?’

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?

Job Tɔn 9:17

Wɛɛ ɡeloo peuchɔɡe ta dɛ́ lɔ mɛ bil, n bwara foɡri, aa wola mun dɔe.

Job Tɔn 9:18

Waa ɡel ń won hwee ɡba, dɛ́ kpɔ suna dii ta n nɛɛ kohona.

Aesaya 40:27

Israel tena, bɔkwa waa hɛɛ naɡre waa saŋ bɛlbwa ŋɔ, Korowii aa he wehiah jemɛ, dɛ ŋɔ, o laa sie kpɔ he wahala ta nɔɔ?

Jeremia 12:16

Kɛ dɛ ba wono charɛ ba liire dɛ hweli n nɛra we-ɛɛla, dɛ won dɛɛ ŋwɛɛ n sɔn ta ŋɔ, ‘N ta aa lole saŋ bɛlbwa’ nɔ ɡɛ ba fa aa baɡle n nɛra ba yon ŋwɛɛ voɡ Baal la aa, amɔ ba ɡee ja n nɛra nɛɛ, ásɛ ba wobɛlbwa do wer tɛɛ ba.

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Nɛra Kura 14:21

Kɛ dɛ a ɛ kasinteŋ kɛ n lole, n jirima ɡe su harɛ bwa ta naa,

Rut Tɔn 3:13

Chɔ n be bonɔ jwaana nɔ ne, ásɛ tɔɔ perɔ chɔɔ aa, ya na kɛŋɔ wɛɛ moe kɛɛ waa hen moɔ. O sɛoh ŋɔ wɛɛ kpɔe yaa, a fe wer kohona. Kɛ dɛ o ta sɛɛh yaa, n ŋwɛɛ Korowii waa lole saŋ bɛlbwa kɛŋɔ mɛɛ kpɔe. He te chɔ bonɔ ka tel kere chɔɔ.”

1 Samoɛl 14:39

N ŋwɛɛ Korowii waa ɛ Israel tena Lɛɛ la kɛŋɔ, hale dɛ n bibaa Jonatan ɛ wechɔɡa ane kwaraa naa, a chɛ kɛ ó sewɛ.” Kɛ ba bini bɛlbwa ta waane bolɛ.

1 Samoɛl 14:45

Kɛ nɛra la ŋɔ o be ŋɔ, “Jonatan aa cheɡɛ o nɛɛ Israel tena bwa dɔ lɛɛ nɔ chɛ kɛŋɔ ó sewaa? Akai, ya ŋwɛɛ Korowii waa lole saŋ bɛlbwa kɛŋɔ, nomɛlbwa aa won ɛo wobɛlbwa, dɛkalkɛ Korowiirii chao o won ɛ waa waa ɛa fini nɔ.” Gɛɛ a do nɛra la lɛ Jonatan ba ta on kpoe.

1 Samoɛl 20:21

Mɛɛ tomɛ n bonɔɔnee dɛ́ ŋɔ, ‘La ka ɡaaɡe hɛma la bɔr.’ Dɛ n ŋɔ o be ŋɔ, ‘Na, hɛma la lɔ he baŋ bonɔ, kpɔa ba bonɔ naa,’ a dɛ baɡle kɛ he dɔ he nyu name, ásɛ he le ba. N ŋwɛɛ Korowii kɛŋɔ dɛ ɔmee bɛlbwa toole kpa.

1 Samoɛl 25:26

Taraken, Korowii aa lɛɛ le nɛra kpoora dɛ tɔ wel ta nɔ, n ŋwɛɛ Korowii waa lole saŋ bɛlbwa asɛ he ɡe so le nɔ, ó ɡel he dɔma baa dɛ nyini dɛ́ kpo la do kɛŋɔ Nabal ken.

1 Samoɛl 25:34

Korowii Israel tena aa dɛ tomɔ laanee ɡela n ta hen wobɛlbwa ɛɛ la. Kɛ n ŋwɛɛrɔ kɛŋɔ dɛ he fe ta warane ɛɛ dɛ ba chem mɛ naa, tɔɔ ne pera Nabal dem baa te bɛlbwa fe aa ka.”