Job Tɔn 27:19 - mzwDBL

¹⁹ Ba dɛ chɔ kɛ kondɔɔhna, kɛ baa ɡɛɛ ka, ba ne jara dɛ a bwa le ba nɔn ta.

Job Tɔn 27:19 ပူးပေါင်းရင်းမြစ်များ

Job Tɔn 24:24

Nyubinikpeɡ tena la soɡa bini dɛ do wer tamaa bɛl, tamaa ken ɡe dɛ ba kaa harɛ, ba nyanyini tonɛ kɛŋɔ kpɔɡa baa kua dɛ boa a nyoa, dɛ berɛ do kɛŋɔ mea paa aa koma a ka a daa ɡbo la.

Yela 58:9

Mɔɔ ba jemɛ la, dɛ ba teŋ ba ta kɛŋɔ kpɔɡa ken, hen Korowii ɛɛ perewi baa ta he bandia kohona la ne, ɡɛ saŋ ba taa soɡe le la.

Jeremia 8:2

A fe aa chɛ kɛ bá boa a nyoa dɛ́ ka huɡa la, aa chɔɔ kɛŋɔ haahra aa ɡela harɛ ɛɛ do wer ken harɛ la bobɛlbwa. Baa pa hoɡa laanee nyenɛ, ásɛ wee ne korobie ne weweela aa do kɛ voɡare a ɡɛ nɛra nɔ aa nyina kohona dɛɛ toma, dɛ kaa bɔɔ ba nyu waa a be la ɛɛ lɔ a ta.

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Matiu 3:12

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Job Tɔn 30:23

N jemɔ kɛŋɔ seo binii hɛɛ kaa n ne, bela haa lea cheɡ nomɛlbwa la.

Job Tɔn 21:30

Korowii laa wechɔɡ-ɛɛra daa le, awola waa ba tɛr nɛra deŋne, wɛɛ ɡel ba tenee awola waa ba kembɔr ne la.

Job Tɔn 14:10

Kɛ dɛ nɛn te sewaa, dɛ a tonɔ, o sewaa, dɛ lee o dɔɔ jaɔ?

Job Tɔn 8:22

Wɛɛ ɡeloo sihiih kpo he dɔma, wechɔɡ-ɛɛra deremi ɡe chɔɡ.”

Job Tɔn 7:8

Taraken haa na mɛ nɔ, haa men na kpa, hɛɛ baa nyin n bɔree, dɛ n toole.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Job Tɔn 7:21

Ɛrɛɛ haa wola n wechɔɡa kpɔe kɛ mɛ, dɛ ɡel waa maa koni a ta la taɔ? Maa biɡri chɔ n banɔn ta, hɛɛ dɛɛ nyin n bɔree, kɛ dɛ n toole.”

Job Tɔn 20:5

nyubinikpeɡ tena silɛɛ aa biɡri, nɛra baa wola Korowii jemɛ dɔ silɛɛ, kɛ aa ɡɛɛ ka.

Sɛɡla 23:4

Bɛ kondɔɔh waa koh dɛ́ chɔɡ he te, ɡel a ɡɛ liire la, dɛ́ jemɛ he te lawa.

Sɛɡla 23:5

Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.