Job Tɔn 25:2 - mzwDBL

² “Korowiirii dɔ kpeɡri komɛlbwa ta, a chɛ kɛŋɔ bɛlbwa ɔmɔ, o ɡelɔ deŋnesɔɔhna do o be nyundua bela.

Job Tɔn 25:2 ပူးပေါင်းရင်းမြစ်များ

Job Tɔn 16:19

Taraken, n dɔ nomɛl nyundua waa dɛ ba n naa ta cheɡa, dɛ́ bol n waa tɛ mɛ.

Job Tɔn 25:1

Belaa Bildad, Su te la chaŋe ŋɔ,

Job Tɔn 31:2

Aa do ɡɛ nɔ, bɔkwaa Korowii Waa Ɛ Kpeɡri Bwa Dɔɔ la kpɔ tɛ nɛn dɛ le nyundua ɔ? Bɔkwaa Korowii le cheɡ tɛ nɛn ɔ?

Job Tɔn 36:22

Korowii kpeɡri kan dɛ ɡwaa wobɛlbwa. Umee dɛ won baɡle waa kɛ Korowii ɔ?

Job Tɔn 36:5

Na ɡɛ Korowii aa kana kohona, waa nomɛlbwa vɛh, o kan dɛ jemɛ wobɛlbwa bini.

Job Tɔn 37:23

Korowii Waa ɛ Kpeɡri Bwa Dɔɔ kan, yaa won bɛno, o waa toɡrɔ dɛ do wer, waa nɛn fiiɡi.

Job Tɔn 42:2

“N Naa Korowii, n jemɔ kɛŋɔ henee dɔ kpeɡri kohona. Nomɛlbwa aa won tɔe ŋwɛnɛ wobɛlbwa ta.

Yela 66:3

Hé ŋɔ Korowii be ŋɔ, “He we-ɛɛla dɔ nyokpoa, he kpeɡri haa dɔa ɡe do kan kohona a ɡel he dɔma kpɔ ɔmee baa ɡuŋi he sie.

Yela 76:8

Nyundua he che bol nɛra waa dɛɛ pa bole, asɛ harɛ nɔ ta nɛra ɔmɛ dɛ hel jeih ken,

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 57:19

ásɛ Israel tena wii berɛ kpɛɛra. Banɔ la baa lɔ bojaŋa ne sie bonɔ la, mɛɛ tɛɛ baa deŋnesɔɔhna tentenee, mɛɛ chaah baa. Men Korowiirii bola.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Matiu 5:9

Nɛra baa dɛ larawe waa dɛɛ sɔɔh waa nyoa la, ba na som, dɛkalkɛ Korowii ɛɛ yer ba o biirii.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Kolosi 1:20

O ɛ ɡɛ dɛ che o Bie la nɛɛ dɛ kwaa o ne kwaa aa lɔ nyundua ne harɛ bwa baah. O ɡelɔ o Bie sewɛ daɡaɡre la ta o chal kwaa wobɛlbwa.

Tɔn Jud Aa Chwera 1:25

o ɡboo Korowii ne ya Lɛɛ, ya Dɔɔ Yeesu Kristo nomanta. O chɛ jirima. O dɔŋ toole. Onee dɔ komɛlbwa kpeɡri, dɛ ɛ komɛlbwa Dɔɔ dɛ le saŋ la bwa ba le fini, dɛ dɔ a bwa saŋ bɛlbwa! Aamen.

Wepila 6:16

dɛɛ ŋɔ bwejena la ne bwetala la be ŋɔ, “Hé choɡli tɔ ya nɛ, ásɛ naate waa soɡe kookara la ta la bɛ yaa na, ásɛ he le yaa Pebie la bandia ta,