Job Tɔn 24:11 - mzwDBL

¹¹ Nyaara la harame nyubinikpeɡ tena noo dɛɛ tɛɛ ba, dɛ harame ba ɡrepo nɔna nee baa kpɔa dɛɛ ɛ sen, kɛ baa ɡel ba nyɔ ane.

Job Tɔn 24:11 ပူးပေါင်းရင်းမြစ်များ

Job Tɔn 24:10

Baa wola yale dɔe nomanta, pɛɛpɛɛ ɡɛɛ baa valɛ, dɛ́ che mea le kooni ta dɛ́ chɔ lɔr.

Job Tɔn 24:12

Nɛra baa dɛ ba serewa dɛ pɛmɛ bwɛjen la ta, banɔ la baa do ba bola ɡe ɛɛ wi, dɛɛ nyin Korowii ó cha ba, kɛ Korowii laa sie kpɔ ɡɛ wechɔɡ-ɛɛra la nɛ.

Job Tɔn 24:18

Nyubinikpeɡ tena la do kɛŋɔ, doŋa aa jaah nee sie, Korowii taah harɛ baa dɔɔ, nomɛlbwa aa ba daa kooni taa la kaa ɛ toma.

Aesaya 16:10

Silɛɛ ne hɛɡra toole daa kooni ta kpa. Nomɛlbwa aa yela kɛɛ lɔŋɔree do daa kooni ta kpa. Nomɛlbwa ɡe aa a nɔna ta tiɡri a nee le a ta kpa. Silɛɛ ɡbɔɡa teŋo.

Jeremia 22:13

Nomɛlbwa waa wola ŋwɛnɛdɛɛɡe ta kpɔe dɛ ma o koodem la, o bwɛɛlɛ. O cheɡɛ neɡra ŋwɛnɛ ta, dɛ paɡri o nyundua deene, dɛ ɡel o harɛ nɛra ɛ toma pɛɛpɛɛ, o ta ban kem bɔe.

Mmarare 25:4

He bɛ nabal waa dɛ ɛ toma he koo ta la nyoa vɔwɛ, dɛ́ ŋɔ o bɛ kwaa di.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.