Job Tɔn 22:3 - mzwDBL

³ Dɛ he waa toɡrɔ aa, Korowii Waa Ɛ Kpeɡri Bwa Dɔɔ dɛ dɔ komɛl, kɛɛ he waa wer aa, a dɔ tɔnɔ dɛɛ tɛ Korowii ɔ?

Job Tɔn 22:3 ပူးပေါင်းရင်းမြစ်များ

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Job Tɔn 21:15

Umee Korowii Waa Ɛ Kpeɡri Bwa Dɔɔ ya tomɔ wɔ? Bɔkwa tɔnɔɔ yaa ba dɔe le Korowii soŋa ta nɔ?’

Job Tɔn 22:2

“Nɛn waa ɛɛ won dɔ tɔnɔ dɛ tɛ Korowii aa? Nɛn waa jemɛ waa kwaraa la, wɛɛ won ɛ waa á do wer o be naa?

Job Tɔn 22:4

Haa dɛ ɔmɛ Korowii waa wɛɛ ba he pwaeh, dɛ́ bol he waa kɛɛ?

Job Tɔn 34:9

Kɛ Job te bolɔ ŋɔ, ‘Tɔnɔ bɛlbwa toole dɛ tɛ nɛn kɛŋɔ o ne Korowii pɛ.’

Job Tɔn 35:7

Dɛ he waa toɡrɔ aa, bɔkwaa aa tɛo wɔ? Korowii aa komɛlbwa lɛ he be.

Yela 119:59

N nyiŋi ɡɛ n we-ɛɛla aa doa dɛ charɛ n liire, dɛ baa teŋɛ he waa la ta.

Yela 39:1

N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Sɛɡla 11:1

Korowii kii nɛn waa dɛ faah nɛra kwaa yoɡa ta. O sie dɛ lɛ nɛn waa kpɔ kon waa maɡra ne kwaa maɡa nɛ.

Sɛɡla 11:20

Korowii kii nɛn o liire aa wola were, o sie dɛ lɛ nɛn o we-ɛɛla aa wera nɛ.

Sɛɡla 12:22

Korowii kii nyosonteŋni, o sie dɛ lɛ nɛn waa dɛ di kasinteŋ nɛ.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 9:12

He jemɛ wa aa, aa do werii tɛɛ, he vɛah ɡe aa, hɛɛ na waa.”

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

We-ɛɛla 24:16

N jemɔ kɛŋɔ Korowii ɛɛ ba bol nɛwɛnyina bwa waa dɛ́ pa bole. Anomanta, n dɛ ɛ n wobɛlbwa naa, n dɛ ɛa kɛrɛdɛ dɛ bɛ bolchɔɡe di Korowii ne nɛwɛnyina bwa be.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.