Job Tɔn 22:29 - mzwDBL

²⁹ Dɛ nɛn lɔ harɛ naa, hé soŋe Korowii tɛo ŋɔ ó lawɔ ir, o dɛ lɛ banɔ la baa dɛ pwɛr ba te.

Job Tɔn 22:29 ပူးပေါင်းရင်းမြစ်များ

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

Amanesoma Luk Aa Chwera Tɔn 1:52

O ir kpeɡnɛra ba kora ta, dɛ ɡɔɔ nɛŋɡwɛɡra baa di kpeɡri.

Matiu 23:12

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Yela 138:6

A lole kɛŋɔ he lɔ nyundujaɡla dɛɛ nyiŋi nɛŋɡwɛɡra nɛ, kɛ mbarafo tena te, he dɛ na ba.

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Job Tɔn 5:11

Korowii dɛ tɛ nɛŋɡwɛɡra chebɔr, banɔ la baa dɛ wi ɡe dɔ silɛɛ.

Job Tɔn 36:7

Waa sie laa dɛɛ kpɔ nɛra ba wa aa toɡra nɛ, o ɡelɔ baa do kɛ koranar, dɛɛ dɔ duure saŋ bɛlbwa.