Job Tɔn 22:21 - mzwDBL

²¹ Job, kpɔ he te tɛ Korowii, ásɛ he bwara sɔɔhne, he ɛ ɡɛ naa, wobɛlbwa ɛɛ do werii tɛɛ.

Job Tɔn 22:21 ပူးပေါင်းရင်းမြစ်များ

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Aesaya 27:5

Kɛ dɛ n nɛra dɔma dɛ nyin kɛ n kpɔ nɔn tɔ ba nɛ aa, n ne ba baah ɛɛ do werii.”

Felepae 4:7

Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.

Yela 34:10

Lɔr ɛɛ won kpo nyujentena a ɡwɛɡre, kɛ banɔ la baa dɛ no Korowii be la, kondɛɛɡa aa ban paŋɛ.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

Matiu 5:25

Dɛ he ne he dɔŋ dɔɔ, asɛ o kpɔe dɛɛ kaa kɔɔto aa, larawo hé kwaa he baah. Gɛ laa aa, o dɔɔ tel he ne bela aa, kɔɔto nomoa la ɛɛ kpɔe tɛ prosiri bá ka doe dea.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.