8 Ba dɛ dɔ bii ne naanar, dɛ́ so ba kpeɡ ba siwi ta.
Baa bii kɛɛ naanaree dɔ, ba dwee bɛlbwa aa ka.
Ba ɡbabir biirii chɛ kɛ bá bɔ kwaa baa lɛa le nyaara be la, ba ɡbabirii dɛ́ berɛ kwaa baa lɛa la tɛ a tena.
Ba kondɔɔh bwa ɛɛ chɔɡoo, awola Korowii baah aa di kohona, kɛŋɔ nee aa sua dɛ yon kpɔ komɛlbwa kaa la.
Ba soɡe deŋnesɔɔhna ta ba deremi, baa wola ɔmɛ, Korowii aa ba deŋne tɛr.
N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.
Banjeni ne hanjeni jirimaa ba naanar, ɡɛɛ nya ne mɛɛ ɡe jirima ɛ ba bii.
Baa koh ta pɛɛ bwa, ba tomare bwa ɛɛ do werii tɛɛ ba. Wekpeɡa ɡe aa ba bii nɛɛ ba bwa. Mɛɛ swee andɛɛɡaa tɛ ba ne ba naanaree saŋ bɛlbwa dɛɛ la.
