Job Tɔn 21:31 - mzwDBL

³¹ Umee dɛ́ won bol wechɔɡ-ɛɛra waa baa ɛa ba be nɔ? Waa baa dɛ ɛ la, umee dɛ́ won bɔ ba ba we-ɛɛla kem ɔ?

Job Tɔn 21:31 ပူးပေါင်းရင်းမြစ်များ

Mmarare 7:10

Kɛ banɔ la baa haoh la te, wɛ́ɛ tɛr ba deŋnee waa wola kpɔ hɛlɛ kwaraa.

Galaasia 2:11

Pita aa ba Anteɔk la, n diu kasinteŋ, dɛkalkɛŋɔ dɛ o dɛ ɛ waa aa wola aŋwɛnɛ ta ɛɛ.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

We-ɛɛla 24:25

Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.”

Amanesoma Mak Aa Chwera Tɔn 6:18

Jɔn aa ŋɔ ɡɛ la nomanta, kooro la ɡelɔ ba lawɔ dɛ doo kpɛɛ dɛ kpɔɔ ka do dea.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Yela 50:21

Anɔ bwaa hɛɛ ɛ, asɛ n tɔ nyoa, he dɛ lii kɛŋɔ n do kɛ heya. Kɛ n dɛ kah heya, dɛ́ kpɔ waa haa ɛa bwa bil he sie.”

Job Tɔn 41:11

Nomɛlbwa aa won ŋɔ men Korowii di o kem, komɛlbwa aa lɔ harɛ nɔ ta ɛ n kwa.

Job Tɔn 21:19

He bolɔ ŋɔ, ‘Korowii kwaa mɛɛ wechɔɡa dɛɛ cheɡ o bie.’ Korowii tɛr mɛɛ la ɡbaɡba deŋne o wechɔɡa la waa o na.

Job Tɔn 21:30

Korowii laa wechɔɡ-ɛɛra daa le, awola waa ba tɛr nɛra deŋne, wɛɛ ɡel ba tenee awola waa ba kembɔr ne la.

Job Tɔn 21:32

Ba te la, ba dɛ la ka huɡ ba, nɛra dɛ daah ba ŋwama,