Job Tɔn 2:3 - mzwDBL

³ Ate, Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, dɛ laa o te dɛɛ kpɔ wechɔɡa ta. He ba n be ŋɔ n tɛɛ ŋwɛnɛ he ka chɔɡo, dɛ o ta waane ɛɛ, kɛ ane a bwa, o waa ta toɡrɔ.”

Job Tɔn 2:3 ပူးပေါင်းရင်းမြစ်များ

Job Tɔn 1:8

Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, o laa o te dɛɛ kpɔ wechɔɡa ta.”

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Sɛɡla 16:17

Nɛn o wa aa toɡra la dɛ ke wechɔɡa o vala bini, nomɛlbwa waa dɛ nyiŋi o vala bini la, dɛ dɔ o nyu.

Job Tɔn 9:17

Wɛɛ ɡeloo peuchɔɡe ta dɛ́ lɔ mɛ bil, n bwara foɡri, aa wola mun dɔe.

Felepae 3:12

N ta ŋɔe ŋɔ n denɔ won do kaih dɛ ɛ nɛndɛɛɡe dɛ ka tonɛ. Akai! N ta swɛɛ siwi dɛɛ nyin ń won do ɡɛ bwa Yeesu Kristo aa lee mɛ ŋɔ ń do la.

Amanesoma Jɔn Aa Chwera Tɔn 9:3

Anee Yeesu ŋɔ, “Baa nɔ ne o lolanar bini bɛlbwa wechɔɡa be laa a le. Gɛ aa ɛ Korowii chaɡle o kpeɡri o nɛɛ waa a ba ɡɛ la.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Sɛɡla 13:6

Nɛn wedɛɛɡa ɛɛ dɛ chao o soɡa bini, asɛ nyubinikpeɡ ɡe ɛɛ chɔɡ wechɔɡ-ɛɛra.

Sɛɡla 11:8

Korowii dɛ lɛ nɛn o wa aa toɡra dɛɛ le wahala ta, a yon berɛ ba nɛnchɔɡe nɛ.

Yela 41:12

N waa toɡrɔ nomanta, hɛɛ laɡ mɛɛ do he sie, saŋ bɛlbwa dɛɛ la.

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

Job Tɔn 13:15

Hale dɛ Korowii kpo mɛ naa, n ta dɔ hwɛɡa o be dɛ́ chemo, dɛ́ baɡle kɛŋɔ n ta bolchɔɡe dii.

Job Tɔn 9:20

N waa fe toɡrɔ kwaraa naa, n wobol fe ɛɛ pa mɛ bolchɔɡee. Wobɛlbwa fe toole n nɛɛ aa, n waa fe ta maɡrɛ.

Job Tɔn 1:11

Laa nɔn kpɔ komɛlbwa waa dɔa ta dɛ́ na, wɛɛ taahnee he na.”

2 Samoɛl 20:20

Anee Joab chaŋe ŋɔ, “Akai, Korowii ɛɛ la ane bojaŋ kɛŋɔ ń ba chɔɡ bwɛjen nɔ.

Mumpar 6:9

Kenii Nowa bwara waa do. Waa ira ɡɛ saŋ la, dɛ o ɡboo ɛ nomɛl o wa aa toɡra, wechɔɡa bɛlbwa aa wola toole o nɛ. Anomanta, o ne Korowii kpɔ darame.

Yela 26:1

N Naa Korowii, nyiŋi n waa bini dɛ́ pa mɛ bole, dɛkalkɛ n waa toɡrɔ, he nɛɛ n den kpɔ n te dawɛ.

Job Tɔn 2:2

Anee Korowii pɛɛ Bɔnsam ŋɔ, “Leperaa he le dɛ ba nɔ?” O ŋɔ, “Gaaɡaa n do harɛ nɔ ta dɛ ɡaaɡe la dɛɛ ba.”

Job Tɔn 2:4

Bɔnsam chaŋe Korowii ŋɔ, “Nɛn dɛ nyin o nyu aa, wɛɛ won kpɔ kwaa waa dɔa bwa charɛ.

Job Tɔn 1:6

Awola bɛl, nyundua toroma la Korowii be, dɛ Bɔnsam ɡe ja bɛl.