Job Tɔn 2:10 - mzwDBL

¹⁰ Asɛ Job chaŋo ŋɔ, “He dɛ bol ɡɛnewobol. Wedɛɛɡa ɡboo yaa ba dɔe le Korowii be, yaa wola wechɔɡa tenee dɔ aa?” A ɡɛ waa nɔ bwa ta la, o ta waa bolɛ yaɡɛ Korowii bwa.

Job Tɔn 2:10 ပူးပေါင်းရင်းမြစ်များ

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Tɔn Pɔɔl Aa Chwerɛ Rom Tena 12:12

Haa dɔ hwɛɡa nomanta, hé ɡel he sie lɛ. Wobɛlbwa pu heya aa, hé lawɛ bambile. Hé swɛɛ siwi dɛɛ soŋe Korowii saŋ bɛlbwa.

Matiu 16:23

Belaa Yeesu laa o te berɛ dɛ kɔr Pita ŋɔ, “Le n jwɛh, Bɔnsam! He dɛ neɡ mɛ ń ɛ wechɔɡa, dɛkalkɛ haa anɔ la Korowii aa dɛ nyin la lii, nemenɛ nɛra tetoowa.”

Amanesoma Jɔn Aa Chwera Tɔn 18:11

Pita aa ɛ ɡɛ la, Yeesu ŋɔ o be ŋɔ, “Kpɔ kere la su o tɔɔ ta! N bɛ wahala n Mɛɛ aa cheɡa ŋɔ ń na la na kɛɛ?”

2 Samoɛl 24:10

Kooro Devid aa kure laa tena la tonɛ la, o liire ɛo anebɛlbwa asɛ o ŋɔ Korowii be ŋɔ, “Waa maa ɛa nɔ ɡelɔ n ɛ wechɔɡa kohona. N dɛ soŋe, laa bolchɔɡe men maa ɛ he bonɔɔ aa dia nɔ kpɔ n nɛ. N ɛ ɡɛnewa tenten.”

Yela 39:1

N lii n nyu bini ŋɔ, “Mɛɛ nyiŋi n ŋwɛnɛre ta kɛrɛdɛɛ, maa ɡel a che n nyoa wobol ta, n ɛ wechɔɡa. Nɛnchɔɡa bɛn mɛ naa, maa wobɛlbwaa bol.”

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

2 Samoɛl 13:13

Dɛ a ba ɡɛ naa, ɛrɛɛ mɛɛ ba wona ɡɔɔ nyu nɛra bini nɔ? He ɡe kwaraa la, sihiih ɛɛ kpoe Israel harɛ nɔ ta bwa. N poori, ka bol kooro be mɔɔ, waa sɛh ŋɔ n bɛ hen yalɛ.”

Mumpar 3:17

Dɛ ŋɔ baa la be ŋɔ, “Haa no he haah nyoa dɛ di daa nɔn maa ŋɔa he bɛ di nomanta, N taah harɛ nɔ waa haa ɛa la wa, tomkpeɡaa hɛɛ ba ɛɛ dɛ́ kwee bɔwɔb mɔɔ dɛ́ di kwa he soɡa bini bwa.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Matiu 25:2

Ba bini banue ɛ ɡɛna, banue ɡe ɛ wejerema.

Yela 59:12

Wechɔɡa su ba nyoo, che ba nyoa wobol ta dɛ́ ɡel ba laɡ ba ba mbarafo baa dɛ ɛ ta. Koh nyosone ne taahna baa dɛ taah nɛra la wa,

2 Samoɛl 19:28

N nabaa naanar bwa chɛ kɛ n naa kooro kpoo ba, kɛ he tɛ mɛ ŋwɛnɛ n ne he pɛ nɔn di kwa. N ta ŋwɛnɛ dɔe kɛ ń berɛ soŋe waane le hen n naa kooro be kpa.”

2 Samoɛl 19:22

Anee Kooro Devid chaŋe ŋɔ, “Seruya bii, bɔkwa waa n ne he dɔ ɛɛ yɔ? He nyin wa ba dawɛ n nɛ, dɛ berɛ n dɔma! A chɛ kɛ bá lawɛ nɛn kpo Israel harɛ ta fini ɡɛ naa? N laa kooro Israel harɛ ta taraken nɔ naa?”

Sɛɡla 9:13

Gɛna do kɛŋɔ haah waa ɛ wobobala te, waa wola sihiih jemɛ.

Sɛɡla 9:6

Hé le he sie bɛ pila la ta, dɛ́ dɔ he nyu. Hé teŋɛ wejema ŋwɛnɛ ta.

Job Tɔn 1:10

He kpɔ nɔn tɔ o ne o dem tena ne komɛlbwa waa dɔa nɛ. Dɛ swee andɛɛɡa tɛo o toma bɛlbwa ta, dɛ ɡel o kondɛɛra ya perɛ harɛ la bwa ta.

1 Samoɛl 3:18

Anomanta, Samoɛl bol waa la bwa baɡlo, o ta bɛlbwa kpɔe sɔɔh. Ate Eli ŋɔ, “Onee Korowii, ɡel o ɛ waa aa too o tea.”

Job Tɔn 2:9

Job haah ŋɔ o be ŋɔ, “He ta lɔ toɡra he wa aa toɡra la ta naa? Taah Korowii dɛ́ sewɛ!”

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

Wejereme 7:14

Waane kaalɔ dɛɛ tɛɛ kɛrɛdɛ naa, ɡel he sie lɛ, kɛ dɛ wenaale bɛlee tenaa, lii kɛŋɔ, Korowiirii ba silɛɛ ne, dɛ berɛ ba wenaale ɡe ne. Anomanta, nomɛlbwa aa won jemɛ ɡɛ aa chiɡu kerekere.

Yela 39:10

Bɛ n deŋne tɛr kpa! He deŋnetɛra la ɡwaa n nɛ.

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?