Job Tɔn 19:13 - mzwDBL

¹³ Korowii ɡelɔ n ne n lolanar baah do jaŋne, n berɛ hɔɔh nɛra baa jem mɛ be.

Job Tɔn 19:13 ပူးပေါင်းရင်းမြစ်များ

Yela 88:8

He ɡelɔ n chamene tena chwa mɛ, baa n siwi ɡba nyin dɛ́ na. N do kɛ maa le bel ta, maa wola won chwa.

Yela 88:18

He ɡelɔ n daamanar tenten ne nɛra baa dɛ nyin mɛ ɡba chwa mɛ, biro ɡboo berɛ n dam name.

Yela 69:8

N berɛ hɔɔh n lolanar be, dɛ do kɛ nomɛl waa le harɛfale bɛl ta, n ɡbaɡba nɛra bini.

Yela 31:11

N dɔma we-ɛɛla ɡelɔ n bala aa men komɛl yerɛ. N daamanar bwa dɛ ɔm mɛ, ba na mɛ fɔɡbaahna aa, dɛ ba dɛ chwa.

2 Timoti 4:16

Baa yer mɛ cheme ŋɔ ń ba tɔh n nyoa loɡla la, n ta nomɛlbwa dɔe ó ba che n habɔɔ. Nɛra bwa chwa mɛ. Korowii bɛ ɡel a ɛ wechɔɡa ɡure ba nɛ.

Matiu 26:56

Anɔ bwa ɛo ásɛ waa Korowii keamere la aa chwera Korowii Tɔn bini la ɛ kpela.” Belaa Yeesu habɔteŋra la bwa chwa peɡre a kao.

Yela 69:20

Chɛɡa ɡelɔ n bambile chɔɡ, dɛ ɡel n liire bwa damɛ. N dɛ nyin nomɛl ó fee ba larawe n bwara, n ta nɛn nae, kɛɛ nomɛl ba do mɛ ɡbemba, kɛ nɛn toole.

Yela 38:11

N daamanar ne n soma bwa chwa mɛ n ŋwɛra wa, hale n lolanar bwa ɡe chwa mɛ.

Job Tɔn 16:7

N Naa Korowii, he ɡelɔ n bokpeɡa tonɛ, dɛ kpoo n dem tena bwa.

Job Tɔn 16:20

N daamanar dɛ mam mɛ, n dɛ wi siniire ŋɔ Korowii cha mɛ.

Job Tɔn 42:11

O dɔɔranar ne nimanar ne nimambii, dɛ nɛra ba fa aa jemɔ bwa ba o dem, ba ne o di kwaa dɛ lɛ ba sie. Ba bwɛɛlo dɛ larawe o bwara wenaale Korowii aa ɡela o na la wa, asɛ bɛlbwa tɛo suuɡa ne suuɡaswɛm noniseɡ.

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

Wiile 1:2

Jwaana bwaa wɛɛ wi kohona, siniire ɛɛ yɔɔro. Harɛre nɛra baa dɛ nyinu bwa chwao, bɛlbwa toole dɛɛ larawe o bwara kpa. O daamanar leo tɛ, dɛ bwa berɛ o dɔma taraken.

Wiile 1:19

N yerɛ harɛre nɛra n ne ba nyoa aa pɛa, kɛ ba vɛh n chae. Nomonome ne sɔfore serewɔ chɔ bwɛjen la fɔɡbaahna, kondikwaa baa ka soŋe di dɛ́ won so la wa.

Job Tɔn 6:15

Kɛ n bala ta nɛra maa kpɔ n te dawɛ ba nɛɛ ɛɛ, ba do kɛŋɔ nenabɔɔne bwaala yon nɛ a su, o baa ɡel nɛɛ yaa, a yon hweeh la ken.

Job Tɔn 6:20

Ba hwɛɡa kaa tonɛ, nenabɔɔne aa hweehra bini.

Yela 31:12

Ba soh n waa kɛŋɔ, maa sewa ken, n do kɛŋɔ vii waa paɡra.

Yela 38:12

Nɛra baa dɛ nyin mɛ dɛ́ kpo, haɡre mɛ bela, nɛra baa dɛ nyin n chɔɡa dɛ́ aah mɛ, tɔpere bɛlbwaa baa vɔrɔwe n vɔrɔwa, dɛ́ chɔɡ mɛ.

Yela 69:9

He Dea la waa swɛɛ n siwi taeh, chɛɡa baa dɛ chɛɡre bwa ɡe dawɛ n nɛ.