Job Tɔn 17:5 - mzwDBL

⁵ Gɛ baa dɛ sɛɡle ŋɔ, Dɛ nomɛl le o daamanar tɛ dɛ lɛ komɛl aa, naate la biirii dɛ́ na a waa la.

Job Tɔn 17:5 ပူးပေါင်းရင်းမြစ်များ

Sɛɡla 20:19

Nɛn waa dɛ ɡaaɡe la dɛ taa nyokpɛl, anomanta, laa he te kpɔ nɛn waa dɛ bol waa kohona nɛ.

Sɛɡla 29:5

Nɛn waa dɛ pa o dɔŋ la, dɛ́ harɔ bel.

Job Tɔn 11:20

Kɛ wechɔɡ-ɛɛra ɛɛ nao baa a munii no, baa bɔree dɔ dɛ́ chwa kaa. Ba hwɛɡa bwaa kɛŋɔ ba fee sewɛ.”

1 Koranar 11:12

He mɛɛ Kooro Devid nomanta, he saŋ ta laa mɛɛ ba ɡela a chiɡ, he bibaa bɛl waa ba di kora saŋ bɛl taa mɛɛ ba ɡela a ɛ.

Mmarare 28:65

A ɡɛ harɛre nɛra la bini la, haa bosɔɔhnaa dɔ bobɛlbwa, haa onaa dɔ bobɛlbwa haa la. Wɛɛ ɡeloo he bambile chɔɡ, he sie che chiŋ he bwara yɔr.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

1 Tesalonika 2:5

Gɛ haa jema la, he kpɛɛra waa laa ya koh ba he be. Ya ta balɛ dɛ ba bol waa dɛ neɡre heyaa dɛ lɛ kwaane ɡe. Korowii ɡboo jema.

Wiile 4:17

Ya ta sie nyiŋi ŋɔ ya ken ɛɛ dɔ chae, dɛ ba kahonɛ. Ya cheɡɛ ya dejaŋa ta nyiŋi kɛŋɔ, yaa dɔ harɛ bɛl nɛraa bá ba lɛ yaa le ya dɔma nɔn ta kahonɛ.

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Lewi Dea Tena 19:16

He bɛ he dɔŋa waa kpɔ ɡaaɡe dɛ́ teŋe nyosone dɛɛ dawɛ ba nɛ. Dɛ seo nyoa he dɔŋ che naa, bɛ on chɔɡ. Men Korowiirii bola.