20 N daamanar dɛ mam mɛ, n dɛ wi siniire ŋɔ Korowii cha mɛ.
Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.
N kpɔ n waa bwa bil o sie, dɛ bol n wahala nae baɡlo.
Ba kpɔ haeh chiɡ darame naa ta, kɛ n te, hen Korowiirii n soŋe dɛɛ tɛɛ ba.
Nɛra bwa dɛ mam mɛ, n dɛ na ɡɛ ba sie aa beɡra baa muɡli n baah.
Dɛ he fe do ɡɛ maa doa nɔ, n ɡe do ɡɛ haa doa nɔ naa, n fe ɛɛ bol waa ɡwaa heya he kwaa la berɛ dɔ wesoma.
N Naa Korowii, he ɡelɔ n bokpeɡa tonɛ, dɛ kpoo n dem tena bwa.
N wio n sibie swɛɛ dɛ bwa ɔɡre.
N dɛ nyin nomɛl ó che n naa ta soŋe Korowii tɛ mɛ, ɡɛ dam yon soŋe dɛɛ tɛ o dɔŋ la.
Suna dii ɡelɔ maa na kɛrɛdɛ n nɔɔra ne nakpale ɡwaŋre, dɛ do kɛŋɔ dawii ken.
Korowii ɡelɔ n ne n lolanar baah do jaŋne, n berɛ hɔɔh nɛra baa jem mɛ be.
“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.
N dɛ nyin kɛ n fe aa na Korowii, dɛ́ na ɡɛ maa ɛ dɛ́ la bela waa soɡa!
