Job Tɔn 16:19 - mzwDBL

¹⁹ Taraken, n dɔ nomɛl nyundua waa dɛ ba n naa ta cheɡa, dɛ́ bol n waa tɛ mɛ.

Job Tɔn 16:19 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 1:9

Korowii maa dɛ tomɔ n bambile bwa ne, dɛɛ bol o Bie la Amanesoma waa la, o jemɔ kɛ saŋ bɛlbwaa n soŋo dɛɛ tɛ heya. Onee n danseɛ te.

1 Tesalonika 2:10

He nɛra haa yaradaa ne Korowii bwa ɛ ya danseɛ tena, dɛkalkɛŋɔ he nao kɛ ya we-ɛɛla wer, ya waa toɡre dɛ lɛ Korowii sie, doŋa bɛlbwa aa wola toole a ta.

2 Kɔrent 11:31

Ya Dɔɔ Yeesu Mɛɛ Korowii jemɔ kɛ nyosone laa mɛɛ teŋe. O chɛ kpɛɛra saŋ bɛlbwa.

Mumpar 31:50

Dɛ berɛ ŋɔ, “Dɛ he ka dɛ fiiɡi n bihaahna nɔ kɛɛ dɛ ka mo haahna ja ba nɛ aa, a lole kɛŋɔ maa belaa do te, kɛ Korowii te ɛɛ nao.

1 Tesalonika 2:5

Gɛ haa jema la, he kpɛɛra waa laa ya koh ba he be. Ya ta balɛ dɛ ba bol waa dɛ neɡre heyaa dɛ lɛ kwaane ɡe. Korowii ɡboo jema.

2 Kɔrent 1:23

Korowii waa jemɛ n nyu bini bwa la, onee n danseɛ te waa nɔ ta. N fa aa wola Kɔrent balɛ la, maa nyin kɛ n ba chɛɡre heyaa he wechɔɡa waa ásɛ he bambile chɔɡ, a waa n ta balɛ.

Tɔn Pɔɔl Aa Chwerɛ Rom Tena 9:1

Kasinteŋii mɛɛ ba bola la. Maa ɛ Yeesu Kristo nɛn la nomanta, maa nyosone teŋe. Korowii Domadɛɛɡe la ɡelɔ n jemɛ n bambile bini kɛŋɔ maa nyosone teŋe.

Yela 113:5

Umee do kɛ Korowii yaa dɛ tomɔ, o so o kookara ta nyundujaɡla,

Job Tɔn 25:2

“Korowiirii dɔ kpeɡri komɛlbwa ta, a chɛ kɛŋɔ bɛlbwa ɔmɔ, o ɡelɔ deŋnesɔɔhna do o be nyundua bela.

1 Samoɛl 12:5

Anee Samoɛl ŋɔ, “Korowii ne kooro waa leo laanee ɛ he danseɛ fini kɛŋɔ he ta wechɔɡe bɛlbwa n nɛɛ nae.” Asɛ ba chaŋe ŋɔ, “Ɔɔh, Korowiirii ya danseɛ.”

Felepae 1:8

Korowii jemɔ kɛŋɔ he pɛla laɡ mɛ taeh, nɛnnyin Yeesu Kristo aa kpɔa do n bambile ta la nomanta.

Job Tɔn 16:18

Dɛ n sewaa, bɛ nɛra baa ɛɛ mɛ wechɔɡa kpɔ kɛ ba! Bɛ ɡel wii maa dɛ wi n kasinteŋ waa la ta tɔ.

Job Tɔn 19:25

N jemɔ kɛŋɔ n Lɛɛ lole, waa bwa jaɡa saŋ la, wɛɛ ba harɛ nɔ taa, dɛ́ ba bol n waa tɛ mɛ.

Job Tɔn 31:2

Aa do ɡɛ nɔ, bɔkwaa Korowii Waa Ɛ Kpeɡri Bwa Dɔɔ la kpɔ tɛ nɛn dɛ le nyundua ɔ? Bɔkwaa Korowii le cheɡ tɛ nɛn ɔ?

Yela 89:37

O kora ɛɛ cheo kiŋkiŋ saŋ bɛlbwa dɛɛ la ɡɛ korobie aa lɔ nyundua saŋ bɛlbwa nɔ, dɛ́ ɛ danseɛ.”

Yela 148:1

Hé kpɛɛ Korowii! He kpɛɛ Korowii le nyundua, kwaa haa lɔ o be nyundua la.