Job Tɔn 15:21 - mzwDBL

²¹ Ɔmewa ɛɛ chole ba deŋna taa, ɡɛ saŋ baa ŋɔ ba soɡe deŋnesɔɔhna ta, ŋwɛɛra den lɔ ba tɔ ba nɛ.

Job Tɔn 15:21 ပူးပေါင်းရင်းမြစ်များ

Job Tɔn 18:11

Kwaa aa dɛ aah ba ɛɛ bar baa cheme, dɛ ti ba dɛɛ di ba nafeena.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

Lewi Dea Tena 26:36

Kɛ he nɛra haa ba ka la te la, mɛɛ ɡeloo ɔmee chole banɛɛ kohona ba dɔma harɛre baa soɡe a ta la ta, ásɛ peu ta ba no papooni kwaraa sii dɛɛ chwa. Hɛɛ kpɔ sibeɡraa dɛɛ chwa kɛŋɔ baa pamɛ kere teŋɛ he nɛɛ la ken, ásɛ he ka choɡli dɛ nɛn aa heyaa doŋi.

1 Kɔrent 10:10

Ya bɛ waa naɡre ɡɛ bane fa aa naɡre waa asɛ nyundua torome ba kpoo ba la.

Wepila 9:11

A dɔ a kooro. O ɛ Bɔnsam torome waa dɛ nyiŋi Bɔnsam Bɔluŋ la ta. Hibru tena dɛ yerɔ Abadɔn, Grik tena ɡe ɛɛ yerɔ Apoleɔn. O sɔn la munii “Nɛn waa dɛ chɔɡ kwa.”

Yela 92:7

Nyubinikpeɡ tena ɛɛ won dɛɛ kpeɡ kɛŋɔ kpɔɡa, ásɛ wechɔɡ-ɛɛra ɡe wobɛlbwa do wer dɛɛ tɛɛ ba, kɛ ba bwa ɛɛ ba chɔɡoo kwaraa.

Job Tɔn 27:20

Ɔmee dɛ́ piɡ ba kɛŋɔ nee aa sua, peukpeɡ ta dɛ́ ba kpɔ ba kaa jwaana.

2 Koranar 7:6

dɛkalkɛ Korowii ɡelɔ Siiria laa tena la no ɡbɔɡa kɛŋɔ torɔɡore, ne jaɡre nakpale sii dɛ laa tena damanta ɡbɔɡa kɛŋɔ baa dɛ ba ba be, asɛ ba ŋɔ dɔŋa be ŋɔ, “Hé na, Israel kooro kaa kpɔ Hiti ne Ijipt koranar ŋɔ, ba laa tena ba yo yaa.”

Job Tɔn 15:24

Wekpeɡa ne wenaale ɡelɔ baa ɔmɛ kohona a dawɛ ba nɛɛ kɛŋɔ kooro waa dɛ la ka yoo ba laa,

Job Tɔn 18:14

Seo kpɔ ba le bela baa soɡa ba bwara sɔɔh ba, dɛ kaa ba ne lalabwɛ.

Job Tɔn 20:21

Ba lɛ nɛra kondɔɔh ba be a tonaa, anɔ la baa lea cheɡ ba be la ɡe ɛɛ le ba nɔn taa.

Job Tɔn 22:10

A waa nafuɡere bare cheme, asɛ ɔmee den su he bwa la.

Job Tɔn 24:17

Bɔr biraa, o ber ba webaŋa, ɔmewaa aa lɔ biro ta la man ba.

Sɛɡla 10:24

Waa nɛnchɔɡe aa dɛ ɔmɛ la, a dɛ ba o nɛ, kɛ nɛn o wa aa toɡra te, dɛ́ dɔ kon waa dɛ nyin.

Ɛsta 7:6

Anee Ɛsta chaŋo ŋɔ, “Nɛnchɔɡe Heeman nɔɔ ya dɔm waa do yaa ɡɛ wahala nɔ ta.” Belaa ɔmee chole Heeman nɛɛ kohona kooro ne o haah Ɛsta sie.

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Jeremia 6:26

Korowii berɔ bol waa o nɛra be ŋɔ, “Hé kpɔ lweyale tɔ dɛɛ ɡbili tɔɔ ta, dɛɛ wi lokua ne kɛŋɔ haa wi he bibambeŋkpoŋ waa sewa ken. Dɛkalkɛ nɛn waa dɛ́ ba ba chɔɡ heyaa la ɛɛ piɡri heyaa.