Job Tɔn 15:14 - mzwDBL

¹⁴ Nɛnee bɔkwa ó ŋɔ doŋa toole o nɛɔ? Nɛn bɛlbwa toole o waa toɡre Korowii be.

Job Tɔn 15:14 ပူးပေါင်းရင်းမြစ်များ

Wejereme 7:20

Nɛn o wa aa toɡra beŋkpoŋ kwaraa toole harɛ nɔ ta, dɛɛ ɛ wa aa toɡra waa wola wechɔɡa ɛ.

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

Sɛɡla 20:9

Umee dɛ́ won ŋɔ, “N te tea bini too, wechɔɡa toole n nɛ kwaraa nɔ?”

Tɔn Pɔɔl Aa Chwerɛ Rom Tena 7:18

N jemɔ kɛŋɔ liidɛɛɡa bɛlbwa toole n bini. N nɛwɛnyini mar nɔ wechɔɡa aa suu nɔɔ n ŋɔ nɔ. Maa dɛ ŋɔ nɔ, n dɛ nyin wedɛɛɡa ɛɛ, kɛ maa won an ɛ.

Yela 14:3

Nomɛlbwa berɛ habɔɔ kpoo, nɛndɛɛɡe bɛlbwa toole ba bini, bɛlbwa toole dɛɛ ɛ wedɛɛɡa, nɛmbeŋkpoŋ kwaraa toole.

1 Koranar 8:46

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ, dɛ laɡ ba kaa bojaŋ kɛɛ boboraa yoo,

Galaasia 3:22

Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.

Amanesoma Jɔn Aa Chwera Tɔn 3:6

Nɛwɛnyini lola lole, asɛ Korowii Domadɛɛɡe ɡe lola do le. Nɛwɛnyini lola ɛ bwadabii wa, asɛ Korowii Domadɛɛɡe lola ɡe ɛ lileo wa.

Wejereme 7:29

Waa aa teŋa nɔɔ n hweli le a ta, Korowii fe ta nɛwɛnyina bwa ba waa toɡre, kɛ ba berɔ kpɔ ŋwɛnɛfale ta dɛ chɔɡ ba te.”

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Job Tɔn 9:2

“Kpelaa, n jemɔ kɛ a ɛ kasinteŋ. Aah ɛrɛɛ nɛwɛnyini ɛɛ ba wona di bole Korowii nɛɔ?

2 Webena 6:36

Dɛ ba ɛ wechɔɡa dɛ jo he nɛ, a lole kɛŋɔ nomɛlbwa toole waa wola wechɔɡa ɛ, asɛ he baah di ba nɛ, dɛ ɡel ba dɔma pɔ ba nɛ dɛ laɡ ba kaa bojaŋ kɛɛ boboraa yoo,

Job Tɔn 15:13

he baah di Korowii nɛɛ kohona dɛ ɡel ɡɛ wobochɔɡa nɔ ɛɛ le he nyoa nɔɔ?

Job Tɔn 14:1

Job berɔ ŋɔ, “Ba lolɛ nɛn aa, o tɔpera aa kanɛ, a lɔ tamaa ken, wenaale ɡe ɡboo a bwa.

Yela 14:2

Korowii lɔ nyundua, dɛ ba sie ne harɛ, dɛɛ nyiŋi nɛwɛnyina kɛŋɔ bɛl dɔ wejema dɛɛ nyin o Korowii bɔr dɛ́ tomɔ.

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.