Job Tɔn 14:5 - mzwDBL

⁵ He tɔ sie jemɛ ɡɛ nɛn aa so ka tel, dɛ jemɛ korobie aa lɔ o soɡa la ta. He maɡa ɡɛ bil aa wola charɛ.

Job Tɔn 14:5 ပူးပေါင်းရင်းမြစ်များ

Job Tɔn 12:10

Korowii kontaala bwa nyu lɔ o nɔn ta, hale nɛwɛnyina bwa.

Job Tɔn 14:14

Nɛn sewaa, wɛɛ won ir dɛ́ dɔ mkpa ja aa? N fe ɛɛ ɛ tomaa dɛ kpa ka tel kɛŋɔ n wenaale bwa aa ba a jaɡa.

Job Tɔn 16:22

A ka n bene tamaa ken, n kaa bela baa wola laŋɛ dɛɛ ba kpa.”

Job Tɔn 21:21

O waane laa bii waa ta ba habɔɔ wa, ɡɛ saŋ o tɔpera aa ba su dɛ ba a jaɡa la.

Job Tɔn 7:1

Job berɔ ŋɔ, “Nɛwɛnyini soɡa bini, tomkpeɡaa chɔ le dɛ tɛo, kɛŋɔ paate waa dɛ ɛ toma la.

Yela 104:29

He laa sie kpɔ a be naa, dɛ ɔmee chole a nɛ, he lɛ hweera haa kpɔa tɛa la aa, a dɛ serewe, dɛ́ berɛ kaa teera haa kpɔa maa la ta.

Yela 104:9

He maɡɛ bela aa jaɡɛ tɛa, ásɛ a bɛ won su bɔle harɛ bwa ta kpa.

Yela 139:16

He na ɡɛ maa doa mɔɔ ba lol mɛ. He chwerɛ tɔpera maa di harɛ ta do he tɔn bini mɔɔ a bɛlbwa pa mun.

Yela 31:15

Saŋ bɛlbwa, n lɔ he nɔn ta, lɛɛ mɛ le n dɔma, ne nɛra baa dɛ nyin bá chɔɡ mɛ nɔn ta.

Yela 39:4

“N Naa Korowii, chaɡ mɛ saŋ maa so ka tel, ne n tɔpera aa ka n sie. Aa biɡri dɛ n sewɔ.

Wejereme 3:2

Bie lola dɔ o tɔpere, seo ɡe dɔ o tɔpere, kwaa dui saŋ lole, a fuɡra ɡe dɔ a saŋ,

Wejereme 8:8

Nomɛlbwa ta kpeɡri dɔe o doma nɛ, nomɛlbwa aa jemɛ tɔpere waa dɛ ba sewa. Gɛ baa wola won lawɛ nɛn le laa ta la, ɡɛɛ wechɔɡa aa wola nɛra baa dɛ ɛ wechɔɡa bini le.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Daneɛl 5:26

Mene munii kɛŋɔ, Korowii kure he tɔpera haa di he kora ta, dɛ ba a ne a jaɡa.

Daneɛl 5:30

Awola jwaana la tentenee ba kpo Babelɔn Kooro Bɛlsasa,

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,

1 Samoɛl 26:10

Dɛ berɛ ŋwɛɛ ŋɔ, “Korowii aa lole nɔ, dɛ o seo tɔpere ta tele o sewɛ, kɛɛ o sewɛ laa ta naa, Korowii ɡbabirii dɛ́ kpoo.