Job Tɔn 13:16 - mzwDBL

¹⁶ Anee dɛ́ ɡel n dɔ lɛɛ, dɛkalkɛ wechɔɡ-ɛɛ bɛlbwa aa won ba o sie.

Job Tɔn 13:16 ပူးပေါင်းရင်းမြစ်များ

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Yela 118:21

N Naa Korowii, mɛɛ kpɔ jamee tɛɛ, dɛkalkɛ he no n be dɛ lɛɛ mɛ.

We-ɛɛla 13:47

dɛkalkɛŋɔ ɡɛɛ ya Dɔɔ ŋɔ ya be ŋɔ, ‘N le heyaa ŋɔ hé ɛ nii dɛɛ chaah nɛra baa wola Juu tena ɛɛ la bwa, ásɛ nɛra baa lɔ harɛ jaɡa bwa che he nɛɛ dɛ́ no Korowii Waa aa dɛ ba ba lɛɛ la he be.’ ”

Jeremia 3:23

Voɡare yaa toma bwejena dor la ta yaa chae. Korowii ya Israel tena aa dɛ tomɔ ɡboo ɛ ya lɛɛ.

Yela 118:14

N bokpeɡa maa dɔa ne n kpeɡri bwa le Korowii be, onee nɛn waa dɛ lɛɛ mɛ.

Yela 27:1

Korowii do kɛ kandea dɛɛ chaah mɛ, dɛ ɛ n Lɛɛ, maa nomɛlbwa ɔmɛ. Korowiirii ɛ n Kpeɡnɛn n chwa kaa marɔ, maa ɔmɛ bwa.

Job Tɔn 36:13

Nɛra baa wola Korowii tomɛ la dɔ bandia ba bini, dɛ Korowii tɛr ba deŋne kwaraa naa, baa on soŋe ŋɔ ó cha ba.

Job Tɔn 8:13

Gɛɛ nɛra baa soh Korowii waa la bwa do, baa vɛh Korowii nomanta, ba ta hwɛɡa dɔe.

Kaala 15:2

Korowiirii n bokpeɡa, o sɔn ber mɛ yel mɛɛ ɡo, onee n Lɛɛ, onee mɛɛ tomɛ dɛɛ kpɛɛro, Korowii n naa wa aa tomɔ laanee on, o sɔnee mɛɛ ba yera dɛɛ tomɔ.

Job Tɔn 13:17

Hé cheɡ deŋne no waa maa dɛ ba bola, dɛ́ no ɡɛ maa dɛ baɡle nɔ.

Job Tɔn 23:7

N waa toɡra nomanta, awola mɛɛ kpɔ n waa bil o sie, ó pa mɛ bole dɛ́ lee mɛ ta kwaraa.

Job Tɔn 34:21

O sie lɔ nɛra we-ɛɛla ta, dɛɛ na ba naɡale bɛlbwa.