Job Tɔn 12:7 - mzwDBL

⁷ He dɛ nyin waa dɛ hweli aa, he bɔɔ ola ne jumbii á baɡle heyaa wa,

Job Tɔn 12:7 ပူးပေါင်းရင်းမြစ်များ

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Sɛɡla 6:6

Bɔhwaah bɛlbwa nyiŋi vaɡla we-ɛɛla, dɛ́ che a ta hweli wa.

Jeremia 8:7

Hale chaŋɡale aa dɛ ɡah nyundua ɡba jemɛ komɛlbwa saŋ, ɡɛɛ kwehre ne konkolombiiri bwa ɡe jemɛ saŋ aa kpɔa dɛɛ ɡaaɡe sobɔrfala. Kɛ n nɛra te aa jemɛ waa maa dɛ nyin dɛɛ teŋɛ a ta.

Tɔn Pɔɔl Aa Chwerɛ Rom Tena 1:20

Dɛ́ le ɡɛ saŋ Korowii aa ta harɛ la, o bwara waa nɛwɛnyini aa wola wone dɛɛ na siwi ne, kɛŋɔ o kpeɡri aa wola jaɡa dɔe ne o dor bwa, o ɡelɔ nɛwɛnyini na a bwa. Nɛwɛnyini wono che Korowii kwaa waa taa ta, dɛ na o kpeɡri ne ɡɛ waa doa. Anomanta, nɛwɛnyini aa won ŋɔ baa jemɛ kɛ Korowii lole.

Job Tɔn 12:6

Kɛ ŋwɛɛra ne nɛra baa wola Korowii tomɛ soɡe deŋnesɔɔhna ta, kwaa baa dɛ tomɛ la taa ba kpeɡri do.

Job Tɔn 12:8

kɛɛ harɛ nɔ ta kontaala, ne mpo bini pɛŋa á baɡle heyaa wa.

Mumpar 1:21

Korowii ta mpo bini oljena ne koŋkwaa bwa aa lɔ nee bini pirim, ne jumbii ne koŋɡaahla ɡɛ a bwa soo siwi aa doa. Asɛ o na kɛŋɔ a wer.

Mumpar 1:25

Korowii ta a bini bɛlbwa soo siwi. Waa na kwaa waa taa la, o nao kɛŋɔ a wer.

Job Tɔn 8:10

Hé ɡel ya naawa wejema baɡle heyaa wa, dɛ́ nyiŋi waa baa bola bil la ta kɛrɛdɛ.

Sɛɡla 30:24

Kombele anaarɛ ane lɔ harɛ nɔ ta, dɛ do jeɡrejeɡre ken, kɛ dɛ ɡe jemɛ waa taeh.