Job Tɔn 12:4 - mzwDBL

⁴ N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.

Job Tɔn 12:4 ပူးပေါင်းရင်းမြစ်များ

Job Tɔn 11:3

He dɛ lii kɛŋɔ yaa won chaŋe kɛɛ? He wepuu waa nɔ ɛɛ won tɔ yaa ŋwɛnɛ, ya bɛ won bol wa aa?

Job Tɔn 12:5

Nɛn waa lɔ bosɔɔhna ta dɛ mamɛ nɛn waa aa lɔ o nɛ. He nyin waa dɛɛ tɛ nɛn waa dɛ na wa.

Job Tɔn 13:18

Maa dɔa lii n waa cheɡ nɔ, n jemɔ kɛ Korowii ɛɛ pa mɛ bolee.

Job Tɔn 16:10

Nɛra dɛ muɡli n baah ba dɛ warɛ dɛ bar mɛ cheme, dɛɛ kpaa n lwɛrɛme.

Job Tɔn 16:20

N daamanar dɛ mam mɛ, n dɛ wi siniire ŋɔ Korowii cha mɛ.

Job Tɔn 17:2

Nɛra bwa dɛ mam mɛ, n dɛ na ɡɛ ba sie aa beɡra baa muɡli n baah.

Job Tɔn 17:6

Gɛɛ nɛra kpɔ sɛɡla nɔ dɛɛ bol n wa, nɛra lawɛ n sie dɛɛ teɡɛ harɛ.

Job Tɔn 21:3

Hé tɛ mɛ ŋwɛnɛ, ásɛ n bol n wa, ásɛ n tonɔ mɔɔ naa, hé mam mɛ.

Job Tɔn 30:1

Job teŋɔ ŋɔ, “Nɛra maa ɡwaa ba nomonome kwaraa dɛ mam mɛ taraken! Ba mɛɛnanar kwaraa n fe aa wola ban kpɔ, ba ne n nyootena daah n peera.

Job Tɔn 30:9

Name, menee ba bibaala kpɔ ɡo yela dɛɛ mamɛ, menee ba kpɔ maɡɛ waa dɛ bol dɛɛ mamɛ.

Job Tɔn 34:7

Nɛn besoo Job, waa wola duure kpɔe tɛ Korowii nɔɔ?

Job Tɔn 6:29

Hé berɛ nyiŋi a bini, dɛ bɛ men bolchɔɡe pa, hé kwaa lii, dɛkalkɛ n waa la wer.

Job Tɔn 9:21

N waa toɡrɔ te, kɛ n waane laa wobɛlbwa aa ba n nɛ. N soɡa bini pe mɛ.

Yela 35:16

Ba do kɛ nɛra baa wola Korowii tomɛ, dɛ cheme dɛɛ mam mɛ, dɛɛ nyiŋ mɛ sichɔɡa ne.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Jeremia 20:7

N Naa Korowii, he neɡ mɛ, asɛ n teŋɛ he nɛ. He pɔ n nɛ, dɛkalkɛ he kpeɡri ɡwaa mɛ. Nɛra dɛ muɡli n baah, tɔpebir bwaa baa mam mɛ.

Jeremia 33:3

Yer mɛ, ásɛ n chaŋe, ásɛ dɛ baɡle wejena ne waa aa sɔah haa wola an jemɛ.

Maeka 7:7

Kɛ n te, n dɛ hwɛɡɛ dɛɛ nyiŋi Korowii ŋwɛnɛ. Korowii waa ɛ n Lɛɛ laanee mɛɛ kpa, wɛɛ no n bee.

Matiu 27:29

dɛ kpɔ sɔɔhne sɔh kooɡbɛrɛ piu, dɛ kpɔ daa bɛl do o nɔndiɡ ta, dɛɛ ɡuŋu harɛ kɛŋɔ baa dɛ ɛ kooro la dɛɛ taramo dɛɛ si, “Woowo, Juu tena kooro!”

Matiu 9:24

o ŋɔ ba be ŋɔ, “Hé bwa le dem bonɔ! Bie la ta sewɛ, domii o chɔ.” Waa ŋɔ ɡɛ la, ba mamɔ.

Amanesoma Mak Aa Chwera Tɔn 5:40

Waa ŋɔ ɡɛ la, ba mamɔ. Anee o doŋi ba bwa le buse, dɛ kpɔ bie la mɛɛ ne o nya, ne o habɔteŋra batoro la baa ja o nɛɛ la jo bela bie la aa chɔa la,

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

We-ɛɛla 17:32

Pɔɔl aa bol seo ta ira waa la, dɛ ba dɛ mamɔ, asɛ bane ɡe ŋɔ, “Ya dɛ nyin kɛ he bol he waa la yá no ja.”

Hibru 11:36

Ba ɛ bane ɡe bahmuɡliwaa dɛ lɔɔ ba chweremi ne, dɛ do kpɛɛ bane ɡe nɔɔra, dɛ do ba dea.