Job Tɔn 12:10 - mzwDBL

¹⁰ Korowii kontaala bwa nyu lɔ o nɔn ta, hale nɛwɛnyina bwa.

Job Tɔn 12:10 ပူးပေါင်းရင်းမြစ်များ

We-ɛɛla 17:28

Nomɛl te kompɛɛ, ‘Korowii alaworomɛɛ ya bwa do le, dɛɛ hwee, dɛɛ ɛ ya tomare.’ He nɛra baa dɛ chwerɛ wobobeela la ɡba di ɡɛ waa nɔ danseɛ dɛ ŋɔ, ‘O biirii ya ɡbabir.’

Job Tɔn 33:4

Korowii Doma taa o che ta mɛ, On Waa Ɛ Kpeɡri Bwa Dɔɔree hweera do n bini n dɔ mkpa.

We-ɛɛla 17:25

Nɛwɛnyini kondikwaa waa laa o do le, waa nɛwɛnyini komɛlbwa nyin, dɛkalkɛŋɔ on dɛɛ tɛ yaa mkpa ne hweera ne komɛlbwa.

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Job Tɔn 27:3

n ta aa lɔ mkpa bini, Korowii ta ɡel mɛɛ hwee nɔ,

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Yela 104:29

He laa sie kpɔ a be naa, dɛ ɔmee chole a nɛ, he lɛ hweera haa kpɔa tɛa la aa, a dɛ serewe, dɛ́ berɛ kaa teera haa kpɔa maa la ta.

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Amanesoma Jɔn Aa Chwera Tɔn 3:6

Nɛwɛnyini lola lole, asɛ Korowii Domadɛɛɡe ɡe lola do le. Nɛwɛnyini lola ɛ bwadabii wa, asɛ Korowii Domadɛɛɡe lola ɡe ɛ lileo wa.

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

Job Tɔn 27:8

Dɛ Korowii teŋe nɛra baa wola on tomɛ hweera ta naa, bɔkwa hwɛɡaa baa ba dɔe yɔ, dɛ o teŋe ba mkpa ta naa?

Wejereme 9:1

N lii anɔ bwa kɛrɛdɛ, dɛ na kɛŋɔ nɛra ba wa aa toɡra, ne wejerema waa baa dɛ ɛ bwa, lɔ Korowii nɔn ta. Kɛ bɛlbwa aa jemɛ kɛ wedɛɛɡa, kɛɛ wechɔɡa chɔ le dɛɛ kpaa ba.

Aesaya 42:5

Korowii waa ta nyundua dɛ paɡru, dɛ ta harɛ ne kwaa aa lɔ o ta, dɛ tɛ nɛra baa lɔ o ta hweera ba dɔ mkpa la, onee bola ŋɔ,

Yela 104:30

Hweeraa he hwee do a bini dɛ taa, dɛ ɡel kwaa haa taa bwa dɔ mkpa harɛ ta.

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.