Job Tɔn 11:7 - mzwDBL

⁷ Hɛɛ won jemɛ Korowii waa nyoa aa? Korowii Waa Ɛ Kpeɡri Bwa Dɔɔ la kpeɡri waa dɔa la, hɛɛ won no a mun aa?

Job Tɔn 11:7 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 11:33

Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?

Wejereme 3:11

O ɡelɔ komɛlbwa do wer o saŋ ta. O ɡelɔ ya jemɛ ya liire bini waa aa lole saŋ la, ne anɔ la aa chiɡ kerekere saŋ bɛlbwa dɛɛ la, kɛ yaa won no waa bwa Korowii aa ɛa le mumpar kaa a jaɡa mun.

Yela 145:3

N Naa Korowii, he kan dɛ chɛ kpɛɛra. He kan haa doa ɡwaa nɛwɛnyina liire ta.

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Aesaya 40:28

Haa jemaa? He ta noɛ yaa? Korowii lole saŋ bɛlbwa. Onee ta harɛ nɔ bwa. Waa koh bwa, waa ɡwɛɡre ɡe. Nomɛlbwa aa won jemɛ o wejema waa dɔa mun bwa.

Yela 77:19

He valɛ mpo nehɛma ta dɛ ɡale o vile, kɛ ba ta he nabuɡe nae.

Job Tɔn 37:23

Korowii Waa ɛ Kpeɡri Bwa Dɔɔ kan, yaa won bɛno, o waa toɡrɔ dɛ do wer, waa nɛn fiiɡi.

Job Tɔn 5:9

Wejena haa wola won no a munii Korowii ɛɛ ɛ, nyokpowaa haa wola won kuraa wɛɛ ɛ.

1 Kɔrent 2:16

Korowii Tɔn bini ba pɛɛrɔ ŋɔ, “Nɛn besoo dɛ won jemɛ Korowii liire o? Umee dɛ won baɡlo waɔ?” Kɛ ya te dɔ Yeesu Kristo liire.

1 Kɔrent 2:10

Kɛ Korowii cheɡɛ o Domadɛɛɡe la ta dɛɛ baɡle yaa a waa ásɛ ya won no a mun. O Domadɛɛɡe la dɛ na wobɛlbwa bini kɛrɛdɛ, hale dɛ jemɛ Korowii wesɔɔhla ɡba.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Job Tɔn 26:14

Waa waa ɛa la bini tamaa la, a bini wetama anee ya no. Umee dɛ́ won jemɛ kpela, ɡɛ Korowii kan ne o kpeɡri aa doa ɔ?”

Job Tɔn 22:12

Nyundujaɡla laa Korowii do aa? Dɛ ba sie ne harɛ dɛɛ nyiŋi weweela a ɡe aa lɔ nyundua aa?

Job Tɔn 33:12

Job, he waa ta kasinteŋ dɔe anɔ ta, Korowii ɡwaa nɛwɛnyini.

Job Tɔn 33:13

Ɛrɛɛ he bol he waa dɛɛ baɡle Korowii waa wola hen chaŋe nɔɔ?

Job Tɔn 36:26

Na ɡɛ Korowii aa kana! O kan waa doa ɡwaa nɛn liire ta, nomɛlbwa aa saŋ waa lea do le, ba le fini jemɛ.

Job Tɔn 37:5

Korowii bol wa aa, ba dɛ na o nyokpowa, a ɛ wejena nɛn aa wola a mun no.

Wejereme 7:24

Gɛ bɛlbwa wejema aa doa bwa, o bini luŋri kɛrɛdɛ, o ta jaɡa dɔe, dɛ do kpeɡri kɛŋɔ yá won jemɛ a mun.

Job Tɔn 27:11

Mɛɛ baɡle ɡɛ Korowii kpeɡri aa doa, maa On Waa Ɛ Kpeɡri Bwa Dɔɔ la ŋwɛnɛree kpɔ sɔh heya.

Job Tɔn 35:5

Hé nyiŋi nyundua na, hé ha sie nyiŋi jeiih ɡɛ baama aa kaa nyundua.

Job Tɔn 42:3

He bɔɔ mɛ ŋɔ, ‘Umee hen hɛɛ tɔŋle n waa wobol aa wola mun dɔe ne nɔɔ?’ Kasinteŋ, n bol waa maa wola a mun no, waa aa ɛ nyokpoa kohona, maa wola a mun jemɛ.

Yela 139:6

Gɛ haa jemɛ n waa la kpo n nyoa kohona, maa wone dɛɛ no a mun.

Sɛɡla 30:4

Nomɛl la Korowii doa dɛ berɛ ba kaa? Umee lawɛ peu kpoŋe o nɔmpaa bini kaɔ? Umee ɡbaa nee aa lɔ harɛ ta bwa do yal ta, kɛɛ umee kpɔ jwɛhre bil harɛ nɔ ta nyoa ɔ? Umee jemɛ naate ɔ? O sɔne ɛrɔɔ? O bie sɔne ɛrɔɔ? He jemɔ waa, baɡ mɛ!