Job Tɔn 11:6 - mzwDBL

⁶ Dɛ ɡel he jemɛ kɛ wejema fuuh, waane lole dɛ ɡwaa nɛwɛnyina liire ta. Korowii fe chɛ kɛ ó tɛr he deŋne ɡwaa ken.

Job Tɔn 11:6 ပူးပေါင်းရင်းမြစ်များ

Ɛsra 9:13

Waa aa pu yaa nɔ bwa le ya wechɔɡa aa ɡela ya di bolchɔɡe la. Kɛ ane a bwa, N Naa Korowii yaa dɛ tomɛ, tamaa kenii he tɛr ya deŋne. He ta ɡelɛ a ɡwaa ya nɛ, dɛ ɡel ya bini bane dɔ ya nyuune dɛ ta so le.

Wiile 3:22

Korowii nyina kohona aa wola tonɛ bwa, ne o tedoma nomanta, ya ta soɡe le, waa yaa ɡel bwa.

Ɛfesos 3:5

Korowii fa ta o wesɔɔhla bini pile baɡle saŋ la tena. Kɛ taraken o Domadɛɛɡe baɡle o nɛra baa ɛ o toromedɛɛɡa ne o keamedɛɛɡa la be,

Matiu 13:35

Gɛ waa ɛa nɔ ɡelɔ waa Korowii keame la fa aa bola la ɛ kpela. O fa ŋɔ, “Mɛɛ kpɔ sɛɡlaa bol wa chaɡle heya. Waa nomɛlbwa aa wola jemɛ bwa le harɛ nɔ mumpar la, mɛɛ bol ba bee.”

Daneɛl 2:28

Kɛ Korowii Waa Dɛ Di Kora Nyundua lole dɛ́ won pili waa aa sɔah bini. Waa aa dɛ ba chiɡa kerekeree o kpɔ baɡle hen n naa Kooro Nebukadnesa la. He deera ne wepila haa chɔa dɛ na laanee teŋa nɔ.

Job Tɔn 15:8

He no waa Korowii aa vɔrɔwa aa? He ɡboo nɛn haa dɔ wejemaa?

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Job Tɔn 15:11

Aa were kɛŋɔ Korowii ɡbabir dɛ larawe he bwara aa, he vɛh. Ya sɔɔh bwara dɛ che o naa ta bol waa he be.

Job Tɔn 15:5

He nyoa wobol dɛ baɡle he da, neɡra lɔ he nyoa wobol ta.

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?

Mmarare 29:29

Waane lole Korowii yaa dɛ tomɔ aa wola yaa baɡlɛ dɛ kpɔ sɔh yaa, kɛ o pili o Mmara waa bini ásɛ ya ne ya naanar baa ka ba la ɛɛ teŋɛ a ta saŋ bɛlbwa dɛɛ la.”

Yela 103:10

Waa ya deŋne tɛr ɡɛ aa chɛa, kɛɛ dɛɛ bɔ yaa ya wechɔɡa kem.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Job Tɔn 11:5

Gɛ n fe aa dɛ nyin kɛ Korowii fee chaŋe!

Job Tɔn 12:13

Korowii bee wejema ne kpeɡri, ne nɛra jae dɛ waa mun noe le.

Job Tɔn 22:5

He wechɔɡa laa kana aa? He wechɔɡa ta nyoa dɔe.

Job Tɔn 33:12

Job, he waa ta kasinteŋ dɔe anɔ ta, Korowii ɡwaa nɛwɛnyini.