Job Tɔn 10:9 - mzwDBL

⁹ Lii kɛŋɔ choh nee he ma mɛ, hɛɛ berɔ chɔɡ mɛ ń berɛ teera aa?

Job Tɔn 10:9 ပူးပေါင်းရင်းမြစ်များ

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

Job Tɔn 10:10

Hen tɛ n mɛɛ bokpeɡa o lol mɛ, he ɡelɔ n kpeɡ n nya tea bini.

Job Tɔn 17:14

Ásɛ n ŋɔ lalbɔɔ be ŋɔ, ‘N mɛɛ hen,’ dɛ́ ŋɔ dudule ɡe be ŋɔ, ‘Heyaa n nya ne n nimambii.’

Job Tɔn 33:6

N deno do kɛ hen Korowii sie, teeraa ba kpɔ ma n ɡe.

Job Tɔn 34:15

nɛwɛnyina bwa fe ɛɛ pɛo serewe, dɛ́ bwa berɛ kaa teera bini.

Job Tɔn 4:19

he dɛ lii kɛŋɔ wɛɛ dɔ hwɛɡa nɛn waa kpɔ teera mao nɛɛ ya? Wɛɛ won sewɛ warane kɛŋɔ baa dɛ kpo konɡaahle la!

Job Tɔn 7:21

Ɛrɛɛ haa wola n wechɔɡa kpɔe kɛ mɛ, dɛ ɡel waa maa koni a ta la taɔ? Maa biɡri chɔ n banɔn ta, hɛɛ dɛɛ nyin n bɔree, kɛ dɛ n toole.”

Job Tɔn 7:7

N Naa Korowii, bɛ soh kɛŋɔ me mkpa ka kerabeŋkpoŋ hweera, silɛɛ toole n soɡa bini kpa.

Yela 103:14

dɛkalkɛ o jemɛ ɡɛ yaa doa, o dɛ lii kɛŋɔ teera nee o ma yaa.

Yela 104:29

He laa sie kpɔ a be naa, dɛ ɔmee chole a nɛ, he lɛ hweera haa kpɔa tɛa la aa, a dɛ serewe, dɛ́ berɛ kaa teera haa kpɔa maa la ta.

Yela 106:4

N Naa Korowii, he dɛ ba he nɛra chae yaa, lii n wa, he dɛ ba ba lɛɛ yaa, he cha n ɡe,

Yela 22:15

N ta bokpeɡa dɔe kɛŋɔ kaŋli ken, n nyondoŋe marɛ n nyoa, hé ɡel mɛ ń sewɛ ka chɔ lalabwɛ.

Yela 25:18

Nyiŋi n suna dii ne n bonyɛɡa, dɛ́ kpɔ n wechɔɡa bwa kɛ mɛ.

Yela 78:39

O liiro kɛŋɔ ba ɛ nɛwɛnyina baa dɛ ba wona sewɛ, dɛ do kɛŋɔ peu aa taa baa kaa ken.

Yela 89:47

Jemɛ kɛŋɔ nɛn mkpa aa jaŋɛ bɛlbwa. Lii kɛŋɔ he ta yaa ya ɛ nɛwɛnyina yaa dɛ ba wona sewɛ.

Yela 90:3

He won ɡela ya sewɛ, dɛ́ berɛ kaa teera haa kpɔa ma yaa la ta.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Aesaya 45:9

Nɛn o ne Korowii waa tao la aa dɛ yo la, ó bwɛɛlɛ! Naate do kɛŋɔ vii ken. Choh ɛɛ won ŋɔ mamaa be ŋɔ waa o toma jemaa? Vii ɛɛ won bɔɔ mamaa waa aa bala o mao wa aa?

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Jeremia 18:6

“Israel tena, maa won ɛ heyaa kɛŋɔ mamaa nɔ aa ɛa nɔ naa? Gɛ choh yon do mamaa nɔn ta la, ɡɛɛ he Israel tena ɡe do n nɔn ta.

Tɔn Pɔɔl Aa Chwerɛ Rom Tena 9:21

Naate waa dɛ ma la, o ta ŋwɛnɛ dɔe kɛ o kpɔ choh waa dɛ ma a ne la ma kwaa aa too o tea aa? A too o tea aa, wɛɛ kpɔ a ɡɛ choh laanee ma viine anɛ, dɛ́ kpɔ bɛl dɛɛ ɛ kwaa tɔpejena ɡbo, dɛ́ kpɔ bɛl ɡe dɛɛ ɛ kwaa tɔpere bɛlbwa.

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.