Job Tɔn 10:3 - mzwDBL

³ A wer he be kɛŋɔ he fiɡ mɛ, dɛ́ vɛh kon he ɡbabir aa tao wa aa? Hɛɛ sɛh waa wechɔɡ-ɛɛra aa dɛ vɔrɔwe taa yaa?

Job Tɔn 10:3 ပူးပေါင်းရင်းမြစ်များ

Job Tɔn 10:8

Men he ɡbabir aa kpɔ nɔɔra ma nɔ, hɛɛ berɔ chɔɡ mɛ naa?

Job Tɔn 14:15

He fe ɛɛ yer mɛɛ, ásɛ n ɡe chaŋe, ásɛ he sie lɛ men haa ta mɛ la nɛ.

Job Tɔn 15:13

he baah di Korowii nɛɛ kohona dɛ ɡel ɡɛ wobochɔɡa nɔ ɛɛ le he nyoa nɔɔ?

Job Tɔn 16:11

Korowii kpɔ mɛ do wechɔɡ-ɛɛra nɔn ta, o taɡ mɛ ta ba bini.

Job Tɔn 19:6

Hé jemɛ kɛŋɔ Korowiirii ɡela wenaale nɔ ba n nɛ, o harɛ bel dɛ laɡ mɛ.

Job Tɔn 21:16

Ba wer doe toole ba ɡbaɡba be, anomanta, n ne ba toole wobɛlbwa bini.

Job Tɔn 22:18

Kɛ Onee tɛɛ ba kondɛɛɡa a su ba deene, anomanta, n laa n te kpɔ wechɔɡ-ɛɛra liire la ta.

Job Tɔn 27:2

“N ŋwɛɛ Korowii, waa lole saŋ bɛl bwa, Korowii Waa Ɛ Kpeɡri Bwa Dɔɔ waa wola men kɛrɛdɛ ɛɛ, dɛ ɡel mɛɛ na wahala,

Job Tɔn 30:21

He nyu bini kpeɡri n nɛ, dɛɛ yoo mɛ he kpeɡri bwa ne.

Job Tɔn 31:15

Korowii waa ta mɛ do n nya tea bini laa ta ba ɡe aa? O tenten laa ta ya bwa do teene bini naa?

Job Tɔn 33:4

Korowii Doma taa o che ta mɛ, On Waa Ɛ Kpeɡri Bwa Dɔɔree hweera do n bini n dɔ mkpa.

Job Tɔn 40:2

“Umee hen hɛɛ tɔŋle Men Kpeɡri Bwa Dɔɔ rɔ? Dɛ ɡɛɛ yaa, amɔ te chaŋ mɛ.”

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?

Job Tɔn 8:20

Kpelaa, Korowii aa nɛra ba waa aa dɔ kasinteŋ la vɛh bwa, ɡɛɛ waa wola wechɔɡ-ɛɛra ɡe cha.

Job Tɔn 9:22

A bwa beŋkpoŋ, a waa n ŋɔ, ‘Korowii dɛ chɔɡ nɛra ba wa aa toɡra, ne wechɔɡ-ɛɛra bwa la.’

Job Tɔn 9:24

Harɛ bɛl baa do nɛnchɔɡa nɔn ta naa, Korowii dɛ damɛ nɛra baa dɛ di ba waa liire. Dɛ o laa aa, umee dɛ́ won ɛ ɡɛ nɔ?

Yela 100:3

Hé jemɛ kɛŋɔ onee Korowii. Onee ta yaa, dɛ dɔ yaa, O nɛraa yan, ya do kɛŋɔ peera ken o sie.

Yela 138:8

N Naa Korowii, hɛɛ ɛ waa haa baɡ mɛ nyoa laanee. He nyina haa dɛ nyin yaa lole saŋ bɛlbwa dɛɛ la, anomanta, bɛ he ɡbaɡba nɛra haa ta yaa la vɛh.

Yela 69:33

Korowii dɛ no nɛŋɡwɛɡra wii, waa nɛra baa laɡ ba do dea waa soh.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

1 Pita 4:19

Anomanta, he nɛra aa ɛ Korowii tetoora kɛ he na wahala la, hɛ́ɛ ɛ wedɛɛɡa, dɛ kpɔ he te do Korowii waa ta heyaa la nɔn ta. O waa dɔ kasinteŋ.