Job Tɔn 1:5 - mzwDBL

⁵ Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

Job Tɔn 1:5 ပူးပေါင်းရင်းမြစ်များ

Mumpar 22:3

Tɔ aa per chɔmbibii la, o iro do o bone dɛ vɔwɛ dawɛ keeɡo nɛ. O kpɔ o bonɔɔna banɛ ne o bie Aesek, ne daa waa ka mar dɛ ɛ saraha la, asɛ ba chiɡ ŋwɛnɛ ta dɛɛ kaa bela Korowii aa baɡlo la.

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 8:20

Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

1 Koranar 18:31

Elaeja pa bwea fi dɛ anɛ, bɛlbwa che tɛ Jekɔb bii fi dɛ banɛ baa cheɡa tɛ Israel deene la. Dɛ Korowiirii pa Jekɔb sɔn Israel.

1 Koranar 21:10

Hé nyin nyosonteŋna banɛ ba so, ásɛ ba ne o sie chaɡɛ dɔŋa. Ásɛ ba haŋɛ o nyoa nɛra la baah ta kɛŋɔ o taah Korowii ne kooro, dɛ́ lawɔ le bwɛjen la ta dɛ́ ka foɡro bwea kpo.”

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

Nehemia 12:30

Sɔfore la ne Lewi dea tena la ɛ we-ɛɛla, dɛ laa doŋa bɛlbwa kpɔ ba nɛɛ Korowii be pera, ne nɛra la ne doonyoo, dɛ danjwɛɛ waa bar bwɛjen la bwa ta.

Job Tɔn 1:11

Laa nɔn kpɔ komɛlbwa waa dɔa ta dɛ́ na, wɛɛ taahnee he na.”

Job Tɔn 1:4

O bibaala la bɛlbwa yon le o tɔpere cheɡ, dɛ́ ɡel ba daa kondikonjena o dem, dɛ́ yerɛ ba nimambihaahna batoro la, bá ka puu ba di kwaa la dɛ́ lɛ ba sie.

Job Tɔn 2:9

Job haah ŋɔ o be ŋɔ, “He ta lɔ toɡra he wa aa toɡra la ta naa? Taah Korowii dɛ́ sewɛ!”

Job Tɔn 27:10

Ba sie ɛɛ dɛɛ lɛ Korowii Waa Ɛ Kpeɡri Bwa Dɔɔ nɛɛ yaa? Baa dɛɛ soŋe Korowii saŋ bɛlbwaa yaa?

Job Tɔn 41:25

O ɡɔɔ o te naa, ɔmee dɛ́ chole kpeɡnɛra nɛ, bá chwa le o sie dɛɛ kaa.

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Job Tɔn 6:14

Dɛ waa pu nɛn aa, a chɛ kɛ o daamanar ɛɛ chao, hale dɛ o vɛh Korowii Waa Ɛ Kpeɡri Bwa Dɔɔ ɔma kwaraa noo.

Job Tɔn 8:4

He bii ken ɛ Korowii wechɔɡa, a waa o tɛr ba deŋne ɡɛ aa chɛa.

Yela 5:3

N Naa Korowii, chɔɔ bɛlbwa he dɛ no n taa. Chɔɔbɔr n kpɔ n wesoŋa dɛɛ bil he sie, dɛɛ kpa ɡɛ haa chaŋ mɛ.

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Kaala 19:10

Anee Korowii ŋɔ Mosis be ŋɔ, “La nɛra la be dɛ́ ka ŋɔ ba le fini ne kere dɛ́ sɔ ba doŋa bwa ta, dɛ́ do ɡoroŋ n be pera. Bá chɛɡɛ ba laala,

Kaala 24:5

Asɛ o tomɛ Israel bonɔɔna ba ka fuh kwaa ɛ saraha, dɛ kpoo nabali ɛ deŋnesɔɔhna saraha tɛo.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Amanesoma Luk Aa Chwera Tɔn 1:75

ásɛ ya ɛ nɛndɛɛɡa ya waa do ɡoroŋ o sie ya soɡa bini bwa.”

Amanesoma Luk Aa Chwera Tɔn 18:7

Dɛ nɛn waa do ken wono lɛ nɛn aa, ɛrɛɛ Korowii aa wola won cha o nɛra baa wia dɛɛ noo chɔɔ ne jwaana la dɛ́ lɛɛ ba le ba dɔma nɔn ta nɔ? Aa biɡruu mɔɔ o cha ba aa?

Amanesoma Jɔn Aa Chwera Tɔn 11:55

Juu tena Galekaa Tɔpejen la aa dɛ tel la, nɛra kɛrɛdɛ le ba bwɛɛre ta dɛ kaa Jerusalam dɛ kaa ɛ we-ɛɛla ane dɛ́ laa doŋa kpɔ ba nɛɛ dɛ́ won di tɔpere la.

We-ɛɛla 21:26

Baa ŋɔ ɡɛ la, Pɔɔl lɛ nɛra banaarɛ la, asɛ tɔ aa pera la, o ne ba ka ɛ we-ɛɛla la ásɛ ba doŋa le ba nɛ. Baa tona la, Pɔɔl kaa jo Korowii Dea bini dɛɛ baɡle tɔpera aa di mɔɔ ba kpoo ba bɛlbwa koŋkwaare, ásɛ ba we-ɛɛla la tonɛ. Dɛ a lɔ tɔpera anuanɛ.

We-ɛɛla 8:22

Charɛ he liire dɛ́ le he wechɔɡa nɔ haa dɛ lii nɔ ta, dɛ́ soŋe Korowii ásɛ dɛ aa maɡroo waa, ó kpɔ he wechɔɡa haa liira nɔ kɛɛ.

1 Kɔrent 4:5

Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

Ɛfesos 6:18

Hɛ́ɛ soŋo harɛ bini soŋa nɔ bwa. Hé che Korowii Domadɛɛɡe la kpeɡri ta, dɛ́ɛ soŋo saŋ bɛlbwa. He bɛ dom dɛɛ chɔ. Hɛ́ɛ soŋe Korowii saŋ bɛlbwa dɛ́ɛ tɛ o nɛra la bwa.

1 Samoɛl 16:5

Anee Samoɛl chaŋe ŋɔ, “Ɔɔh, deŋnesɔɔhna taa. N balɔ dɛ́ ba kpo kon ɛ saraha tɛ Korowii. Hé sɔ he doŋa bwa ta Korowii be pera, dɛ́ ba ja n nɛɛ saraha la mun.” Ate, o sɔ Jese ne o bibaala doŋa bwa ta dɛ ta nɔn yer ba saraha la mun.