Job Tɔn 1:12 - mzwDBL

¹² Anee Korowii ŋɔ Bɔnsam be ŋɔ, “A wer, komɛlbwa waa dɔa la lɔ he nɔn ta, kɛ o te ɡbabir te, bɛ nɔn kpɔ leɡo.” Asɛ Bɔnsam le Korowii be dɛ kaa.

Job Tɔn 1:12 ပူးပေါင်းရင်းမြစ်များ

Mumpar 16:6

Belaa Abram ŋɔ Sarai be ŋɔ, “He toloo, he dɔ o kpeɡri dɛ́ doo ɡɛ haa dɛ nyin.” Asɛ Sarai fiiɡu kohona o ba chwa le o be.

1 Koranar 22:22

Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

1 Koranar 22:23

Korowii keame Mikaya berɛ ŋɔ, “Korowiirii ɡela he keamere la neɡre, o ɡbabirii bol he chɔɡa waa kɛŋɔ a chɛ kɛ hé sewɛ.”

2 Webena 18:21

Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

Job Tɔn 1:11

Laa nɔn kpɔ komɛlbwa waa dɔa ta dɛ́ na, wɛɛ taahnee he na.”

Job Tɔn 1:13

Awola bɛl, Job bibaala ne bihaahna la dɛ di kondikonjena la ane, dɛɛ lɛ ba sie ba dɔɔ nomoa dem,

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Aesaya 27:8

Laalee o kpɔ tɛr Israel tena deŋne, dɛ doŋ ba le ba harɛ ta kpeɡri ne kaa harɛfale ta, kɛŋɔ peuchɔɡe aa taa le wee leebɔr, dɛ kpɔ kwaa dɛɛ kaa la.

Jeremia 38:5

Anee Kooro Sedekia chaŋe ŋɔ, “N kpɔɔ do he nɔn ta. Maa won tɔe ŋwɛnɛ.”

Amanesoma Luk Aa Chwera Tɔn 12:23

He mkpa ɡwaa kondikwa, he bwadabii ɡe ɡwaa yal.

Amanesoma Jɔn Aa Chwera Tɔn 19:11

Asɛ Yeesu ŋɔ, “Korowiirii sɛah dɛ ɡel he dɔ kpeɡri n nɛ. O fe ta sɛɛh yaa, he fe ta kpeɡri dɔe n nɛ. Nɛn waa lee mɛ tɛ dɛ ɡel he dɔɔ mɛ la wechɔɡa ɡwaa he kwa.”

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.