Job Tɔn 1:10 - mzwDBL

¹⁰ He kpɔ nɔn tɔ o ne o dem tena ne komɛlbwa waa dɔa nɛ. Dɛ swee andɛɛɡa tɛo o toma bɛlbwa ta, dɛ ɡel o kondɛɛra ya perɛ harɛ la bwa ta.

Job Tɔn 1:10 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Mumpar 26:12

A bena la, Aesek parɔ dɛ dɔ kondikwaa kohona. Kwaa waa para la bele lafaa o dɔ dɛkalkɛ Korowii tɛo hɛɛra.

Mumpar 30:30

A fa lɔ tamaa ken mɔɔ n ba, a berɔ ya kohona, asɛ Korowii tɛɛ hɛɛra bobɛlbwa maa dɛ la. Taraken, tɔpere telo kɛŋɔ n ɡbabir ɡe vɔrɔwe n dem.”

Mumpar 30:43

A cheɡɛ a ta Jekɔb ba ɛ kondɔɔh dɛ dɔ kondɛɛra ne nɛndɔɔla ne nyoɡmare dɛ keeɡore kohona.

Mumpar 39:5

Dɛ le a ɡɛ saŋ nomoa la aa kpɔ o dem do o nɔn ta la, Korowii swee andɛɛɡa tɛ nomoa la ne o dem komɛlbwa dɛ o koo kwa.

Mumpar 49:25

Korowii he mɛɛ aa tomɔ laanee dɛ́ chae. Korowii Waa Ɛ Kpeɡri Bwa Dɔɔ sweere andɛɛɡa dɛ́ pili nyundua bwaala nɛ tɛɛ, dɛ́ tɛɛ nee aa le harɛ bini. Onee dɛ́ tɛɛ kondɛɛra ne naanar kohona.

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

Job Tɔn 29:2

“Gɛ n fe aa dɛ nyin kɛ n berɛ do kɛ ɡɛ saŋ Korowii aa nyiŋi n nɛɛ,

Job Tɔn 29:6

ɡɛ saŋ n fa aa ɛ kondɔɔh dɛ n dɔ ɔleve noo taeh!

Job Tɔn 31:25

dɛ n fe dɛ hɛɡre n kondɔɔh kohona wa, kɛɛ kwaa maa dɔa,

Job Tɔn 42:12

Korowii swee andɛɛɡa tɛo dɛ ɡwaa loɡla la. O berɔ dɔ peera kaɡboŋa fi dɛ anaarɛ, nyoɡmare kaɡboŋa anumɛl, nae baa kpɔa dɛɛ parɛ kaɡboŋ, dɛ keeɡore kaɡboŋ.

Yela 107:38

O swee ba andɛɛɡa ba dɔ bii kohona, ba nae ɡe ya kohona.

Yela 34:7

Korowii nyundua torome dɛ daah nɛra baa dɛ tomɛ Korowii, dɛɛ lɛɛ ba.

Yela 5:12

Kpela, Korowii he ɡelɔ nɛra ba wa aa toɡra na som. He nyina haa dɛ nyin ba la tɔ ba ɡbemɡbe, dɛ bar ba cheme.

Yela 71:21

Hɛɛ ɡeloo ń ɛ nɛnjen kohona, dɛ́ berɛ kwaa larawe n bwara ja.

Yela 80:12

Ɛrɛɛ he ɡel nɛŋhɔɔhra dɔ bɔr kuuɡi kon baa kpɔa ke daa la nɔɔ? Nomɛlbwa teŋo baa kaa laa, wɛɛ won ba tɔɔ o nɔna di.

Yela 90:17

N Naa Korowii yaa dɛ tomɛ, swee yaa andɛɛɡa. Gel ya wobɛlbwa do wer tɛ yaa kɛrɛdɛ!

Sɛɡla 10:22

Korowii swee andɛɛɡa tɛɛ naa, a dɛ ba kondɔɔh ne, wenaale bɛlbwa aa a ta ja.

Aesaya 5:2

O buɡli harɛ la, dɛ laa bwea aa lɔ o ta bwa pa mɔɔ dɛ nyin dadɛɛɡa chɔɔ o ta, dɛ chiɡri jɛŋla baa so o ta dɛɛ kpa koo la. O komɛ bwe bɔɔ, bela baa ba tiɡri a nɔna ta a nee le. Name o soɡo dɛɛ hwɛɡɛ kɛŋɔ aa nɔnɛ nɔndɛɛɡaa, kɛ a berɛ nɔnɛ nɔnchɔɡa.

Aesaya 5:5

Mɛɛ ɡeloo he jemɛ ɡɛ maa dɛ ba daa la ɛɛ. Mɛɛ laa kwaa baa kpɔa keo laanee pa, ásɛ kwaa dia dɛ́ chɔɡa. Mɛɛ kuuɡi danjwɛɛ waa baro la ɡee, ásɛ kwaa tiɡra do harɛ.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Mmarare 33:11

N Naa Korowii, ɡel ba dea tena do kpeɡri. Gel ba wobɛlbwa baa dɛ ɛ su he siwi. Chɔɡ ba dɔma dɛ bɛ ɡel ba ir kpa bwa.’

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

Mmarare 7:13

Wɛɛ nyin heyaa dɛ́ swee heyaa andɛɛɡa, dɛ́ ɡel he mun ya kohona. Wɛɛ ɡeloo he loɡle, he kooni kwaa kɛŋɔ mea ne ɡrepore ne ɔlevere bwa do wer, ásɛ he kondɛɛra ɡe ya. A ɡɛ hɛɛra nɔ bwaa wɛɛ ba kpɔe tɛ heyaa harɛ la waa ŋwɛɛra baɡle he naawa ŋɔ wɛɛ kpɔɔ tɛ heyaa la ta.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

1 Samoɛl 25:16

Ba daah yaa webaŋa ne jwaana, saŋ bɛlbwaa ya ja ba nɛɛ dɛɛ teɡɛ ya peera.