Amanesoma Jɔn Aa Chwera Tɔn 9:7 - mzwDBL

⁷ Asɛ dɛ ŋɔ, “La tam la baa dɛ yerɔ Siloam la ta dɛ́ ka samɛ he sie.” Gɛ sɔn Siloam la munii kɛŋɔ “Ba tomɔ.” Waa laŋa dɛ ka samɛ o sie la tonɛ la, dɛ o dɛ na, dɛ berɛ ba buse.

Amanesoma Jɔn Aa Chwera Tɔn 9:7 ပူးပေါင်းရင်းမြစ်များ

Nehemia 3:15

Kol Hose bibaa Salum o fa aa ɛ Mispa harɛ nomoa laanee kwaara ma Nee Nyu Doonyoa. O tɔɔ dɛ do ɡbeni o nyoa, dɛ do bune baa kpɔ dɛɛ kara. Onee bera kwaa ma danjwɛɛ waa bar Siloam tam, waa bɛne Kooro bodɛɛɡe waa du daa jwɛh. O mao ka tel kwaa baa kpɔ a ta tu dɛɛ le Kooro Devid Bwɛjen la ta.

Yela 146:8

dɛ ɡel nyoŋa berɛ dɛɛ na. O lawɛ nɛra baa chola dɛɛ ir, o dɛ nyin nɛra ba wa aa toɡra wa.

Kaala 4:11

Belaa Korowii ŋɔ o be ŋɔ, “Umee tɛ nɛn nyoa o kpɔ dɛɛ bol waɔ? Kɛɛ umee dɛɛ ɛ nɛn amumu ne deŋneɡbeŋa te, kɛɛ nɛn waa dɛ na ne onɔ la waa wola na nɔ? Men Korowii laa aa?

Aesaya 32:3

Banla baa dɛ na aa ba sie laa kpɔ kpa, baa cheɡ deŋne ɡee dɛɛ no.

Aesaya 35:5

O balaa, nyoŋa sie ɛɛ piluu bá na bɔr, ásɛ amumure ɡe no wa.

Aesaya 42:7

Hɛɛ ɡeloo nyoŋa sibie pili, ba won dɛɛ na, ne banɔ la baa do ba dea, ba do biro tenten ta.

Aesaya 43:8

Korowii ŋɔ, “Hé kpɔ nɛra baa dɔ sibie kɛ baa wola na, ne nɛra baa dɔ deŋna kɛ baa wola waa no la ba.

Aesaya 8:6

“Jerusalam tena aa vɛh nyiŋa maa dɛ nyiŋi ba nɛɛ bɔeeh kɛŋɔ Siloa nenabɔɔ aa dɛ palɛ bɔeeh, dɛ dɔ silɛɛ Kooro Resin ne Kooro Pɛka nɛɛ kɛŋɔ bá ba cha ba nomanta,

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Amanesoma Luk Aa Chwera Tɔn 13:4

Yeesu berɔ ŋɔ, “Asɛ nɛra fi dɛ banuatoro bane dejaŋ bɛl aa kua chole ba nɛɛ Siloam ba bwa serewe la ɡeɔ? He liire dɛ ɛ heyaa kɛ ba wechɔɡa ɡwaa nɛra baa lɔ Jerusalam bwa kwaa kɛɛ?

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Jɔn Aa Chwera Tɔn 10:36

dɛ men n Mɛɛ Korowii aa lee mɛ dɛ tom mɛ harɛ nɔ ta la ŋɔ Korowii Biee men aa, ɛrɛɛ he ŋɔ n dɛ bol musu waa nɔɔ?

Amanesoma Jɔn Aa Chwera Tɔn 11:37

Bane ɡe ŋɔ, “Baa nɔ laa wona ɡel nyoŋe na la aa? Dɛ o lɔ bonɔ naa, o fe ta wone chah onɔ o fe bɛ sewaa?”

Amanesoma Jɔn Aa Chwera Tɔn 9:11

Belaa o ŋɔ, “Baa la baa dɛ yerɔ Yeesu laanee ta nentane dɛ teɡɛ a ne teera pɛ dɛ kpɔ fɔɡɛ n sie, dɛ ŋɔ ń la Siloam ta dɛ ka samɛ ta. Asɛ maa laŋa dɛ ka samɛ la, buɡ la ta, mɛɛ na la.”

Amanesoma Jɔn Aa Chwera Tɔn 9:39

Asɛ Yeesu ŋɔ, “Nɛra waa bola dɛ́ pa bole waa n ba harɛ nɔ ta, ásɛ nyoŋa berɛ dɛɛ na, ásɛ banɔ la ɡe baa dɛ na la berɛ nyoŋa.”

We-ɛɛla 26:18

Hen dɛ́ ka pili ba sie, ásɛ ba le biro ta dɛ́ ba bochaah ta bela nii aa lole, dɛ́ le Bɔnsam nɔn ta dɛ́ ba Korowii be, ásɛ o kpɔ ba wechɔɡa kɛ ba, ásɛ ba ba ja nɛra baa yarada mɛ n sɔ ba doŋa bwa ta ba ɛ n bii la nɛ.’

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.