Amanesoma Jɔn Aa Chwera Tɔn 9:34 - mzwDBL

³⁴ Anee ba ŋɔ o be ŋɔ, “He ne he wechɔɡaa ba lolɛ. Gɛɛ he ŋɔ hé chaɡle yaa wa aa?” Asɛ ba doŋu cheremi dea bela bala kwara.

Amanesoma Jɔn Aa Chwera Tɔn 9:34 ပူးပေါင်းရင်းမြစ်များ

Mumpar 19:9

Anee ba ŋɔ, “Haa waa nyin aa, le ya sie. Hɔɔhree hen bonɔ, henee dɛ́ won baɡle yaa wa aa? He ta bela leɛ he kwaa ɛɛ ɡwaa ba kwaa.” Belaa ba ka lɔ tɔ o nɛ, dɛ́ fe taɡɔ le bela, dɛ́ dɔ bɔr ka ku ɡbera la.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

Job Tɔn 25:4

Ɛrɛɛ nɛn ɛɛ ba wona ŋɔ o waa toɡrɔ Korowii be nɔ? Ɛrɛɛ nɛwɛnyini ɛɛ ba wona ŋɔ doŋa toole o nɛɔ?

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Kaala 2:14

Anee o chaŋe ŋɔ, “Umee cheɡe kora ta ŋɔ hé baa nyiŋi ya nɛɛ dɛ́ bol ya waa dɛɛ pa bole ɔ? He dɛ nyin he kpo mɛ ɡɛ haa kpo Ijipt te la kɛɛ?” Ate, Mosis ɔmɛ, dɛ lii kɛŋɔ, “Jamɔ nɛra na n waa maa ɛa la.”

Sɛɡla 22:10

Doŋi bammuɡli nɛn le he jwɛh, ásɛ wobobala ne naɡra ne chɛɡa bwa tonɛ.

Sɛɡla 26:12

Nɛn waa ɡɛna kohona la, hwɛɡa lɔ o nɛɛ ɡwaa nɛn waa dɛ lii kɛ o jemɛ wa, kɛ o ɡe aa jemɛ.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Aesaya 65:5

Ba yon ŋɔ ba bala be ŋɔ, ‘He laa he te kpɔ ya nɛ, ya do ɡoroŋ, a ta chɛ kɛŋɔ hé leɡe yaa!’ N mee le ba nɛ, n bandia ɡe do ba nɛɛ kɛŋɔ, nii aa wola dime bwa ken.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Amanesoma Luk Aa Chwera Tɔn 11:45

Belaa Tɔnjerema la bɛl ŋɔ Yeesu be ŋɔ, “Nomoa, dɛ he ŋɔ ɡɛ naa, dɛ he jo ya ɡba nɛ.”

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 18:17

Kasinteŋ, naate waa wola o te kpɔe tɛ Korowii dɛ yaradao kɛŋɔ bechale nɔ la, waa Korowii Kora la ta dɔe ba dɛ́ ja bwa.”

Amanesoma Luk Aa Chwera Tɔn 6:22

Dɛ nɛra koh Men Nɛn Bie nɔ waa dɛ hah heya, dɛ vɛh heya, dɛ chɛɡre heya, dɛ yerɛ he sɔnchɔɡe aa, he na som.

Amanesoma Jɔn Aa Chwera Tɔn 6:37

Nomɛlbwa n Mɛɛ Korowii aa kpɔ tɛ mɛ la ɛɛ ba n bee dɛ́ ba teŋɛ n nɛ. Maa nomɛlbwa ɡe waa ba n be laanee doŋi ta bwa,

Amanesoma Jɔn Aa Chwera Tɔn 8:41

He ɡe mɛɛ toma siwii hɛɛ ɛ la.” Anee ba ŋɔ, “Nyoasɛm bii laa yan oo, Korowii ɡboo ya Mɛɛ.”

Amanesoma Jɔn Aa Chwera Tɔn 9:2

Belaa o habɔteŋra la bɔɔro ŋɔ, “Nomoa, baa nɔ ne o nya ne o mɛɛ, ba bini ume wechɔɡaa ba nyoŋa nɔ ne nɔɔ?”

Amanesoma Jɔn Aa Chwera Tɔn 9:22

Dɛ Juu tena nomonome laanee baa ɔmɛ waa ba ŋɔ ɡɛ. Nomonome la ɛ nyoa beŋkpoŋ kɛŋɔ nomɛlbwa waa ŋɔ Yeesu ɛ Kristo la, baa doŋi naatee o bɛ ba cheremi dea jo kpa.

Amanesoma Jɔn Aa Chwera Tɔn 9:35

Yeesu aa noa kɛŋɔ ba doŋu cheremi dea bala la, o nyin o bɔr asɛ dɛ pɛɛro ŋɔ, “He dɛ yarada Men Nɛn Bie la aa?”

Amanesoma Jɔn Aa Chwera Tɔn 9:40

Dɛ Farisii tena bane lɔ bela. Baa no ɡɛ la, ba bɔɔro ŋɔ, “Amɔ ya ɡe ɛ nyoŋa kɛɛ?”

1 Kɔrent 5:13

Nɛra baa ɛ asɔre tena la te, heyaa chɛ kɛŋɔ hé bol ba waa dɛ́ pa bole. Korowii Tɔn baɡlɔ kɛŋɔ “Hé doŋi wechɔɡ-ɛɛ le he bini.”

Galaasia 2:15

Ya te nɔ, Juu tena ɛ ya nyare ne ya mɛɛnanar ba lolɛ yaa, asɛ ya ɡe ɛ Juu tena. Nɛra baa wola Juu tena ɛɛ asɛ Juu tena ɛɛ yer ba ‘wechɔɡ-ɛɛra’ la laa yaa.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”

3 Jɔn 1:10

Anomanta, dɛ n balaa, mɛɛ bol o waa, dɛ́ bol ɡɛ waa dɛ chɔɡ yaa dɛ kpɔ waa dɛɛ dawɛ yaa la. A ɡbo laa wɛɛ ɛ. O ta sɛɛh dɛɛ nyiŋi yabala baa vala dɛɛ bol Yeesu Kristo waa la. Dɛ bane ɡe dɛ nyin bá lɛɛ ba dɛ́ nyiŋ ba aa, waa ɡelɛ baa lɛɛ ba, dɛ yon doŋi ba bwa le ba bini.

3 Jɔn 1:9

N fa chwerɛ waane dɛ tɛ asɔre tena bela, kɛ Dayɔtrafes aa dɛ nyin nomonome nomanta, o vɛh ya waa la.

Wepila 13:17

Dɛ nomɛlbwa ta nso la dɔe yaa, o ta ŋwɛnɛ dɔe kɛŋɔ ó yawɛ kon kɛɛ ó yoɡ komɛlbwa. Nso la ɛ namba waa cheɡa tɛ olchɔɡe la sɔn.