Amanesoma Jɔn Aa Chwera Tɔn 9:31 - mzwDBL

³¹ Ya jemɔ kɛŋɔ Korowii deŋna toole wechɔɡ-ɛɛra be. O deŋna lɔ banɔ la baa dɛ duuru dɛɛ ɛ waa waa dɛ nyin la be.

Amanesoma Jɔn Aa Chwera Tɔn 9:31 ပူးပေါင်းရင်းမြစ်များ

Mumpar 19:29

Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.

Mumpar 20:7

Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

Job Tɔn 35:12

Ba dɛ wi aa, Korowii aa ban chaŋe, mbarafo wechɔɡ-ɛɛra aa dɛ ɛ nomanta.

Job Tɔn 35:13

Kasinteŋ, Korowii aa soŋa baa dɛ soŋo ba wesale ta no, On Waa Ɛ Kpeɡri Bwa Dɔɔ la aa deŋne cheɡɛɛ dɛɛ no ba be.

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

Yela 143:10

Henee Korowii maa dɛ tomɛ. Baɡ mɛ mɛɛ ɛ waa haa dɛ nyin. Nyiŋi n nɛɛ kɛrɛdɛ, dɛ́ ɡel mɛɛ kpɔ ŋwɛnɛdɛɛɡe ta.

Yela 145:19

Nɛra baa dɛ ɔmɛ la, he dɛ tɛɛ ba ba konnyina, dɛ no ba wii dɛɛ lɛɛ ba.

Yela 18:41

Ba wio dɛɛ nyin lɛɛ, kɛ nomɛlbwa toole, ba wio no hen Korowii, he ta ban chaŋɛ.

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Yela 99:6

Dɛ Mosis ne Arɔn fa ɛ o sɔfore, asɛ Samoɛl che o sɔn ta dɛɛ soŋo. Ba soŋe Korowii, asɛ o no ba be.

Sɛɡla 15:29

Korowii ne wechɔɡ-ɛɛ baah jaŋne, o dɛ no nɛn o wa aa toɡra wesoŋa.

Sɛɡla 21:13

He laa deŋna kpɔ nyaa wii waa dɛ wi ta naa, he ɡe ɛɛ baa wiu, haa nɛnee dɔ ó lɛɛ.

Sɛɡla 28:9

Dɛ he vɛh Mmara ta teŋa aa, Korowii kii he wesoŋa.

Aesaya 1:15

He ir nɔɔra dɛɛ soŋ mɛ naa, mɛɛ laa sie kpɔ he nɛ. Hale he soŋ mɛ ɡɛ bɛlbwa kwaraa noo, maa no. Nɛra haa kpoora chal maa he nɔɔra bwa.

Aesaya 58:9

Asɛ name dɛ he soŋ mɛ naa ń no, he do lɔŋɔ yer mɛ naa, ń sɛh ŋɔ, ‘Men nɔ.’ Dɛ he ɡel nɛra hɔhɔrɔwa ɛɛ, dɛ ɡel waa kpɔe dɛ daɡ ba, dɛ ɡel wobochɔɡa bola,

Jeremia 11:11

Anomanta, men Korowii ŋɔ mɛɛ kpɔ wekpeɡa baa wola won le a nyoa ba ta ba nɛ. Ba wio dɛɛ yer mɛ kwaraa naa, maa ba bee no.

Jeremia 14:12

A lole kɛŋɔ ba dɛ vɔwɛ nyoa, kɛ maa wii baa wia dɛɛ noo mɛ laanee no. Ba fuh sarahare dɛ ɛ mea sarahare dɛɛ tɛ mɛ, kɛ n sie aa a ta lɛ. Anomanta, mɛɛ ɡeloo bá kpoo ba laa ta, ásɛ lɔr ne weechɔɡa ɡe kpoo ba.”

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Maeka 3:4

Saŋ bɛl ɛɛ bao nomonome nɔ wi yerɛ Korowii kɛ waa ban chaŋe, waa ba wesoŋaa no wechɔɡa baa ɛa la wa.

Sekaria 7:13

Gɛ maa bola ba ta noɛ la, ɡɛɛ ba ɡe soŋ mɛ naa, maa wola no.

Amanesoma Jɔn Aa Chwera Tɔn 11:22

Kɛ n jemɔ kɛŋɔ taraken kwara, komɛlbwa haa soŋe Korowii la, wɛɛ ɛo tɛɛ.”

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Amanesoma Jɔn Aa Chwera Tɔn 9:30

Asɛ baa la chaŋe ŋɔ, “Bɔkwa waa nɔɔ? Heyaa ŋɔa haa o leebɔr jemɛ, kɛ o ɡelɔ n te won dɛɛ na.

Amanesoma Jɔn Aa Chwera Tɔn 9:32

Le harɛ mumpar bwa, umee noa kɛŋɔ nomɛl wono pili nɛn baa lolɔ dɛ o nyoŋɔ sie bwa nɔ?

Mmarare 1:45

He baa wi no Korowii, kɛ o ta heyaa chaŋɛ.

Hibru 10:7

Belaa n ŋɔ, ‘N Naa Korowii, menee la. N balɔ dɛ́ ba ɛ he tetoowaa ɡɛ baa chwerɛ n waa Mmara tɔn la bini la.’ ”